पारगाव – दौंड तालुक्‍यातील पारगावमध्ये थोरल्या जाउबाईंच्या निधनाच्या मानसिक धक्‍याने धाकट्या जावेने प्राण सोडल्याची अनोखी दुर्मिळ घटना घडली आहे. पारगाव येथील कॉंग्रेसचे माजी अध्यक्ष पोपटराव ताकवणे यांच्या भाऊजई लता ताकवणे (वय 58) यांचे बुधवारी (दि. 10) रोजी अल्पशा आजाराने निधन झाले होते.

गेली 30 वर्षांपासून एकत्र कुटुंबातील धाकट्या जाऊचे निधन झाल्याने पोपटराव ताकवणे यांच्या पत्नी रजनी ताकवणे (वय 62) यांना मानसिक धक्‍का बसला. त्यांना त्यातून सावरण्याचा कुटुंबाने अतोनात प्रयत्न केला; परंतु सहा दिवसा नंतर मंगळवारी (दि.16) हृदयविकाराच्या तीव्र धक्‍क्‍याने त्यांचे निधन झाले.

रजनी ताकवणे या दौंड तालुका खरेदी विक्री संघाच्या माजी संचालिका होत्या. त्या उच्चशिक्षित होत्या. समाजात विरहाने निधनाच्या अनेक घटना घडतात; परंतु जावेच्या विरहाने निधन घडण्याची घटना कदाचित पहिलीच असू शकते. संख्या बहिणीं पेक्षा जास्त प्रेम या दोघींचे होते. या दोघी म्हणजे एकत्र कुटुंब पद्धतीचे मूर्तिमंत उदाहरण होते. त्यांच्या या जाण्याने सगळीकडे हळहळ व्यक्त होत आहे.