आरोग्य तज्ज्ञांचे म्हणणे आहे की, त्वचा आणि चेहऱ्यावरील वृद्धत्वाची लक्षणे टाळण्यासाठी कॉस्मेटिक उत्पादनांऐवजी घरात सहज उपलब्ध असलेल्या अँटी-एजिंग गोष्टींचा वापर करून फायदे मिळू शकतात. या नैसर्गिक उत्पादनांचे दुष्परिणाम होण्याचा धोका नाही आणि सर्व वयोगटातील लोकांना त्याचा फायदा होऊ शकतो. यासाठी तुम्हाला जास्त पैसे खर्च करण्याची गरज नाही. घरातच असलेल्या अनेक गोष्टींमध्ये प्रभावी अँटी-एजिंग गुणधर्म आढळून येतात, ज्याचा वापर चेहरा आणि त्वचा तरुण ठेवण्यासाठी केला जाऊ शकतो.

वाढत्या वयानुसार, त्वचेवर आणि चेहऱ्यावर त्याचा परिणाम स्पष्टपणे दिसून येतो. चेहऱ्यावर सुरकुत्या पडणे, त्वचेवर सुरकुत्या पडणे आणि चेहऱ्याची चमक कमी होणे ही वाढत्या वयात दिसणारी स्पष्ट लक्षणे आहेत. अशा समस्या टाळण्यासाठी आपण सर्वच प्रकारची केमिकलयुक्‍त क्रीम्स आणि सौंदर्य उत्पादने वापरत असतो. या उत्पादनांमध्ये ज्याप्रकारे रसायने आणि प्रतिबंधित घटक आढळून आले आहेत, त्यामुळे दीर्घकाळ शरीराला अनेक प्रकारच्या समस्यांचा धोका निर्माण होऊ शकतो, असे या अभ्यासात आढळून आले असले, तरी सर्वांनी याबाबत काळजी घेणे आवश्‍यक आहे.

कोरफडमधील वृद्धत्व विरोधी गुणधर्म
कोरफड म्हणजेच एलोवेरा एक शक्‍तिशाली अँटी-एजिंग एजंट म्हणून वर्षानुवर्षे वापरला जात आहे, ज्यामध्ये अनेक सक्रिय एन्झाइम्स, खनिजे आणि जीवनसत्त्वे तुमच्या त्वचेला निरोगी आणि तरुण ठेवण्यासाठी विशेष फायदेशीर आहेत असे मानले जाते. ऍनाल्स ऑफ डर्मेटोलॉजीमध्ये प्रकाशित झालेल्या एका अभ्यासात, शास्त्रज्ञांनी 45 वर्षांपेक्षा जास्त वयाच्या 30 निरोगी महिलांमध्ये सुरकुत्या आणि त्वचेच्या इतर समस्या कमी करण्यावर कोरफडच्या प्रभावांची तपासणी केली. या अभ्यासाच्या 90 दिवसांनंतर, असे आढळून आले की ज्या महिलांनी कोरफडीचा वापर केला त्यांच्या त्वचेत चांगली सुधारणा दिसून आली.

काकडी त्वचेसाठी फायदेशीर
त्वचेशी संबंधित अनेक प्रकारच्या समस्या दूर करण्यासाठी काकडी प्रभावी असल्याचे आढळून आले आहे. काकडीमध्ये दाहक-विरोधी गुणधर्म असतात, तसेच त्यामध्ये असलेले अँटीऑक्‍सिडंट्‌स, व्हिटॅमिन-सी आणि फॉलिक ऍसिड सारख्या पोषक घटकांचा त्वचेला निरोगी ठेवण्यासाठी आणि त्याच्याशी संबंधित विकार कमी करण्यासाठी विशेष फायदा होतो. 2011 च्या अभ्यासात असे आढळून आले आहे की काकडीमधील अँटीऑक्‍सिडंट घटक त्वचेशी संबंधित विविध विकारांचा धोका कमी करून सुरकुत्याविरोधी एक संभाव्य मदत करतात.

मध त्वचेसाठी वरदान
अभ्यासात संशोधकांना असे आढळून आले की, चेहऱ्यावर मध लावणे आणि त्याचे सेवन करणे या दोन्ही गोष्टी त्वचेच्या समस्यांमध्ये फायदेशीर ठरू शकतात. मध त्वचेची गुणवत्ता सुधारण्यास मदत करू शकते. हे सुरकुत्या तयार होण्यास प्रतिबंध करण्यास मदत करू शकते, ज्यामुळे त्वचा वयानुसारही तरुण दिसते. त्वचेच्या संसर्गाचा धोका टाळण्यासाठी मध लावण्याचे फायदे देखील दिसून आले आहेत.

दुधाचा वृद्धत्वविरोधी प्रभाव
त्वचेच्या समस्यांचा धोका कमी करण्यासाठी दूध हे सर्वात प्रभावी अँटी-एजिंग गुणधर्मांपैकी एक मानले जाते. दुधामध्ये रेटिनॉल नावाचे एक संयुग असते, जे एक प्रभावी अँटी-एजिंग एजंट आहे आणि निरोगी त्वचा राखण्यासाठी तुम्हाला विशेष फायदा होऊ शकतो. व्हिटॅमिन-डी दुधामध्ये देखील आढळते ज्यामध्ये दाहक-विरोधी प्रभाव असतो आणि त्वचेशी संबंधित अनेक प्रकारचे धोके कमी करण्यासाठी ते आपल्यासाठी उपयुक्‍त ठरू शकतात. दुधाची साय त्वचेवर लावल्याने फायदा होतो.