Lok Sabha Speaker Om Birla : लोकसभा अध्यक्ष ओम बिर्ला यांनी महत्त्वाच्या संसदीय समित्यांवर अध्यक्षांची नियुक्ती केली आहे. काँग्रेसचे खासदार के. सी. वेणुगोपाल यांची सार्वजनिक लेखा समितीच्या अध्यक्षपदी पुनर्नियुक्ती करण्यात आली आहे, तर भाजपचे बैजयंत पांडा यांची सार्वजनिक उपक्रम समितीच्या अध्यक्षपदी नियुक्ती करण्यात आली आहे.

एका अधिकृत अधिसूचनेनुसार, लोकसभा अध्यक्ष ओम बिर्ला यांनी काँग्रेसचे खासदार के. सी. वेणुगोपाल यांची 2026-2027 या वर्षासाठी सार्वजनिक लेखा समितीच्या अध्यक्षपदी नियुक्ती केली आहे. त्याचप्रमाणे, बैजयंत पांडा यांची2026-2027 या वर्षासाठी सार्वजनिक उपक्रम समितीच्या अध्यक्षपदी नियुक्ती करण्यात आली आहे.

1 मे 2026 पासून सुरू होणाऱ्या आणि  30 एप्रिल 2027 रोजी संपणाऱ्या कार्यकाळासाठी सार्वजनिक लेखा समितीवर एकूण 21 सदस्यांची नियुक्ती करण्यात आली आहे.

यामध्ये कोणाचा समावेश आहे? ( Lok Sabha Speaker Om Birla)

या सदस्यांमध्ये 15 लोकसभा खासदार आणि 6 राज्यसभा खासदारांचा समावेश आहे. लोकसभेतून टीआर बालू, कल्याण बॅनर्जी, निशिकांत दुबे, जगदंबिका पाल, जय प्रकाश, रविशंकर प्रसाद, सीएम रमेश, मागुंता श्रीनिवासुलू रेड्डी, अपराजिता सारंगी, अमर सिंह, तेजस्वी सूर्या, अनुराग सिंह ठाकूर, बालशौरी वल्लभनेनी, के वेणर्मोप आणि के धृवेंद्रोप यांचा समावेश आहे.

राज्यसभेतून कोणाचा समावेश   (Lok Sabha Speaker Om Birla)

राज्यसभा खासदार अशोकराव शंकरराव चव्हाण, के. लक्ष्मण, प्रफुल्ल पटेल, सुखेंदू शेखर रे, अखिलेश प्रसाद सिंग आणि सुधांशू त्रिवेदी यांचा या समितीत समावेश करण्यात आला आहे.

तसेच सार्वजनिक उपक्रम समितीमध्ये 15 लोकसभा आणि 7 राज्यसभा खासदारांसह एकूण 22 सदस्य आहेत.

लोकसभेच्या अध्यक्षांनी भाजप खासदार फग्गन सिंग कुलस्ते यांची अनुसूचित जाती आणि अनुसूचित जमाती कल्याण समितीच्या अध्यक्षपदी नियुक्ती केली आहे. या समितीत एकूण 30 सदस्यांची नियुक्ती करण्यात आली असून, त्यात लोकसभेतील 20 आणि राज्यसभेतील 10 खासदारांचा समावेश आहे.

ओम बिर्ला यांनी एका वर्षासाठी लोकसभेची अंदाज समितीही गठीत केली आहे. भाजप खासदार संजय जयस्वाल यांची अंदाज समितीच्या अध्यक्षपदी नियुक्ती करण्यात आली आहे.

या समितीतही एकूण 30 सदस्य असून, त्यात लोकसभेतील 20 आणि राज्यसभेतील 10 सदस्यांचा समावेश आहे. या नियुक्त्यांमुळे संसदीय कामकाज अधिक प्रभावीपणे पार पाडण्यास मदत होणार असल्याचे मानले जात आहे.

हेही वाचा :  Supriya Karnik : बॅालिवूड अभिनेत्रीने घेतला मोठा निर्णय! लग्नाविषयी मत मांडत केला खुलासा म्हणाली “आयुष्य नेहमीच ठरल्याप्रमाणे….”