टोंक- टोंकच्या तोडराय सिंगच्या लांबाहृसिंह मुंडियाकला भागात एक प्रेमी युगल लिव्ह-इन रिलेशनशिपमध्ये राहत होते. मुलीच्या कुटुंबीयांनी याला विरोध केल्याने पंचायत बोलवण्यात आली. निकाल दिल्यानंतर पंच निघून गेले. यानंतर मुलाला जी शिक्षा दिली ती पाहून सर्वच हादरले आहेत. मुलीच्या नातेवाईकांनी मुलीच्या बहिणीवरही अत्याचार केले.

घटनेमुळे परिसरात एकच खळबळ उडाली आहे. डीएसपी मालपुरा सुशील मान यांनी सांगितले की, ’12 दिवसांपूर्वी मालपुरा पोलिस स्टेशन परिसरातील रिंडल्या येथे राहणारी मुलगी या मुलासोबत गेली होती. ती बायकोप्रमाणे एकत्र राहत होती. दिवाळीनंतर कुटुंबीय मुलीला सोबत घेऊन आले होते. सोमवारी याप्रकरणी भोपाळो मंदिराबाहेर मोग्या समाजाच्या पंचांची पंचायत झाली. यामध्ये तरुणालाही बोलावण्यात आले.’

हा तरुण आपल्या बहिणीसह तेथे पोहोचला होता. पंचायतीत पंच-पटेलांनी ५ दिवसांचा अवधी देत ​​मुलीच्या वडिलांना ९३ हजार रुपये देण्याचा आणि त्यानंतर मुलीला घेऊन आपापल्या घरी जाण्याचा निर्णय घेतला.

पीडितेने दिलेल्या माहितीनुसार, ‘पंचायत झाल्यानंतर दोघे भाऊ-बहीण आपल्या गावी जाण्यासाठी बस स्टँडकडे चालले होते. त्यानंतर मुलीच्या कुटुंबीयांनी दोघांनाही उचलून जंगलात नेले. तेथे दोघांना रात्रभर  एका झाडा बांधून ठेवलं.

पीडित तरुणाने सांगितले की, “मुलीच्या कुटुंबीयांनी मला चपलांचा गर घालून माझ्यावर अत्याचार करत मला जबरदस्तीने मूत्र प्यायला लावलं. डोक्यावर गरम चिमट्यानं चटके देण्यात आले. इतकंच नाही, तर धारधार शस्त्रानं माझं नाक कापण्याचा प्रयत्न केला. याचा व्हिडिओ रेकॉर्ड करुन सोशल मीडियात अपलोड करण्यात आला.’

पोलिसांनी सांगितले की,’पीडितेने मुलीचे वडील नवरत्न, आई गीता, भाऊ सावित्री, भाऊ शंकर रा. (झिरोटा) मुलीचा मेहुणा, भोपलाव रहिवासी पारस, हेमराज, संत्रा, गोवर्धन मोग्या यांच्या विरोधात गुन्हा दाखल केला आहे. पारस, शंकर आणि हेमराज यांना अटक करण्यात आली आहे.’