Lionel Messi Fined By Major League Soccer Physical Altercation Quinn Sullivan : फुटबॉल जगतातील दिग्गज स्टार लिओनेल मेस्सीला (Lionel Messi) मेजर लीग सॉकर (MLS) स्पर्धेत मोठा दणका बसला आहे. फिलाडेल्फिया युनियनविरुद्धच्या हाय-व्होल्टेज सामन्यादरम्यान प्रतिस्पर्धी खेळाडू क्विन सुलिव्हनसोबत (Quinn Sullivan) झालेल्या वादावादी आणि कानशिलात लगावल्यामुळे लीगने मेस्सीवर आर्थिक दंड ठोठावला आहे. या दंडाच्या रकमेचा अधिकृत खुलासा करण्यात आलेला नसला तरी, थेट मेस्सीवरच कारवाई झाल्याने फुटबॉल वर्तुळात मोठी खळबळ उडाली आहे.

व्हिडिओ फुटेज तपासल्यानंतर कारवाई; मेस्सीने तोडला कडक नियम!

सामन्याच्या एक्स्ट्रा टाईममध्ये मैदानावर मेस्सी आणि सुलिव्हन यांच्यात जोरदार खडाजंगी झाली होती. या वादादरम्यान मेस्सीने सुलिव्हनच्या कानशिलात लगावल्याचे  स्पष्ट दिसले. मैदानावर पंचांच्या ही बाब लक्षात आली नसली तरी, नंतर व्हिडिओ फुटेज तपासल्यानंतर शिस्तपालन समितीने मेस्सी दोषी आढळल्याचे स्पष्ट केले. प्रतिस्पर्धी खेळाडूच्या तोंडावर, डोक्यावर किंवा मानेवर हात न लावण्याच्या लीगच्या नियमाचे मेस्सीने उल्लंघन केले आहे. मेस्सीवर या नियमांतर्गत झालेली ही दुसरी कारवाई आहे; यापूर्वी फेब्रुवारी २०२५ मध्येही त्याच्यावर असाच दंड लागला होता.

डिफेंडर इयान फ्रेवरही दंड; सुलिव्हनचे रेड कार्ड मात्र रद्द!

Lionel Messi slapping 22-year-old USMNT and Philadelphia Union forward Quinn Sullivan in the back of the head 😮 pic.twitter.com/E87sMnhvng

— USMNT Only (@usmntonly) August 20, 2026

केवळ मेस्सीच नाही, तर इंटर मियामीचा डिफेंडर इयान फ्रे याच्यावरही सुलिव्हनची मान पकडल्याप्रकरणी दंड ठोठावण्यात आला आहे. दरम्यान, सामन्याच्या शेवटच्या क्षणी मैदानावरील हाणामारीमुळे मियामीच्या यानिक ब्राईट आणि फिलाडेल्फियाच्या कावन सुलिव्हन यांना पंचांनी थेट रेड कार्ड दाखवले होते. मात्र, फिलाडेल्फियाच्या अपिलनंतर एमएलएस तपास समितीने एकमताने कावन सुलिव्हनचे रेड कार्ड आणि एका सामन्याची बंदी रद्द केली असून त्याला पुढील सामन्यात खेळण्याचा मार्ग मोकळा केला आहे.

हेही वाचा – Gautam Gambhir Statement : “मला व्ह्यूज अन् लाईक्सशी काही देणेघेणे नाही, माझं काम फक्त…!”; कोलंबो कसोटीपूर्वी गंभीरची विरोधकांना चपराक

मेस्सी-फ्रे बंदीपासून वाचले; केवळ आर्थिक भुर्दंड!

एमएलएसच्या या सखोल चौकशीनंतर इंटर मियामीचे स्टार खेळाडू लिओनेल मेस्सी आणि इयान फ्रे हे सामन्यांच्या बंदीपासून (Match Ban) थोडक्यात बचावले आहेत, मात्र दोघांनाही आर्थिक दंडाचा सामना करावा लागला आहे. याव्यतिरिक्त, मिनेसोटा युनायटेडच्या अँटोनी मारकनिचवर खोट्या फाऊलचे नाटक (Simulation) केल्याबद्दल लीगने स्वतंत्र दंड ठोठावला आहे.