नवी दिल्ली – ‘बाबा का ढाबा’च्या मालकाचा युट्यूबवर भावनिक व्हिडीओ व्हायरल झाल्यानंतर ते कमालीचे प्रसिद्धि झोतात आले होते. त्यांचा दोन दिवसांपूर्वी आणखी एक व्हिडीओ सोशल मीडियावर जोरदार व्हायरल झाला. त्यात बाबा का ढाबा चे मालक कांता प्रसाद यांनी  नवीन रेस्टॉरंट उघडले आहे.

Delhi: Kanta Prasad, the 80-year-old owner of ‘Baba Ka Dhaba’, starts a new restaurant in Malviya Nagar.

“We’re very happy, god has blessed us. I want to thank people for their help, I appeal to them to visit my restaurant. We will serve Indian & Chinese cuisine here,” he says. pic.twitter.com/Rg8YAaJ1zk

— ANI (@ANI) December 21, 2020

वृत्त संस्थेने दिलेल्या माहितीनुसार, बाबाने या नवीन  रेस्टॉरंटचा श्री गणेशा  दिल्लीच्या मालवीय नगर (Malviya Nagar) मध्ये केला आहे.  याबाबत  कांता प्रसाद यांनी सांगितलं की, “आम्ही खूप आनंदी आहोत, देवाने आम्हाला आशीर्वाद दिला आहे. आम्हाला देऊ केलेल्या मदतीसाठी मला लोकांचे आभार मानायचे आहेत. मी त्यांना माझ्या रेस्टॉरंटमध्ये येण्याचे आवाहन करतो.”

दरम्यान, काही दिवसांपूर्वी कांता प्रसाद यांना जीवाला धोका असून त्यांना सतत धमकीचे फोन येत असल्याची तक्रार  त्यांनी दिल्लीतील मालविय पोलीस ठाण्यात दिली होती.  ते भीतीमय जीवन जगत आहेत. गेल्या काही दिवसांपासून मिळालेल्या धमक्यांमुळे त्यांना घर सोडणं कठीण झाल्याचंही त्यांनी म्हटलं होतं.