Lhuan-dre Pretorius Century : अवघ्या २० व्या वर्षी ठोकले वादळी शतक! दक्षिण आफ्रिकेच्या पठ्ठ्याने मोडला ७ वर्षे जुना वर्ल्ड रेकॉर्ड
Lhuan-dre Pretorius Century : दक्षिण आफ्रिकेचा युवा सलामीवीर फलंदाज लुआन-ड्रे प्रिटोरियसने आंतरराष्ट्रीय क्रिकेटमध्ये नवा इतिहास रचला आहे.
Lhuan-dre Pretorius Youngest Full Member T20I Centurion Smashes 101 Against Namibia : दक्षिण आफ्रिकेचा युवा सलामीवीर फलंदाज लुआन-ड्रे प्रिटोरियसने (Lhuan-dre Pretorius) आंतरराष्ट्रीय टी-२० क्रिकेटमध्ये आपले पहिलेवहिले शतक झळकावून नवा इतिहास रचला आहे. नामिबियाविरुद्धच्या तिरंगी मालिकेतील अंतिम सामन्यात या २० वर्षीय डावखुऱ्या फलंदाजाने अवघ्या ५२ चेंडूंत तुफानी शतक ठोकण्याची किमया केली. आपल्या १७ व्या सामन्यात खेळताना प्रिटोरियसने मैदानात चौकार आणि षटकारांचा अक्षरशः पाऊस पाडला.
हजरतुल्ला झाझाईचा ७ वर्षे जुना विश्वविक्रम मोडीत; बनला सर्वात तरुण फलंदाज!
अवघ्या २० वर्षे आणि १६१ दिवसांच्या वयात हे वादळी शतक झळकावून प्रिटोरियसने जागतिक विक्रमाला गवसणी घातली आहे. आंतरराष्ट्रीय क्रिकेट परिषदेच्या (ICC) पूर्ण सदस्य देशांमध्ये टी-२० आंतरराष्ट्रीय सामन्यात शतक ठोकणारा तो जगातील सर्वात तरुण खेळाडू ठरला आहे. त्याने अफगाणिस्तानच्या हजरतुल्ला झाझाईचा (२० वर्षे ३३७ दिवस, २०१९) तब्बल सात वर्षे जुना विश्वविक्रम मोडीत काढला. यासह दक्षिण आफ्रिकेकडून टी-२० मध्ये शतक झळकावणारा तो नववा फलंदाज बनला.
१०१ धावांची विस्फोटक खेळी; ८ गगनचुंबी षटकारांनी सजवला डाव –
A Magnificent Century! 💯
What a knock! Lhuan-dré Pretorius brings up his maiden T20I century as #TheProteas continue to pile on the runs! 🇿🇦🏏
After falling just six runs short earlier this week, there was no denying him this time around! 👏
A milestone moment for our rising… pic.twitter.com/fMydjQAqeT
— Proteas Men (@ProteasMenCSA) September 4, 2026
प्रिटोरियसने अवघ्या ५३ चेंडूंत ५ चौकार आणि ८ उत्तुंग षटकारांच्या मदतीने १०१ धावांची संस्मरणीय खेळी केली. नामिबियाचा कर्णधार गेराल्ड इरास्मसने त्याला बाद केले. यापूर्वीच्या सामन्यात झिम्बाब्वेविरुद्ध त्याचे शतक अवघ्या ६ धावांनी हुकले होते; मात्र अंतिम सामन्यात कोणतीही चूक न करता त्याने संपूर्ण टी-२० कारकिर्दीतील आपले दुसरे शतक दिमाखात पूर्ण केले.
पहिल्या विकेटसाठी १५६ धावांची भागीदारी; आफ्रिकेच्या २२८ धावा –
अंतिम सामन्यात प्रिटोरियस आणि यष्टिरक्षक कॉनर एस्टरहुईझेन जोडीने पहिल्या विकेटसाठी अवघ्या ६९ चेंडूंत १५६ धावांची वादळी भागीदारी रचली. एस्टरहुईझेनने ४० चेंडूंत ६ चौकार व ८ षटकारांसह ८८ धावा कुटल्या. या आक्रमक सुरुवातीनंतर नामिबियाच्या गोलंदाजांनी काहीशी वापसी केली आणि दक्षिण आफ्रिकेचा डाव २० षटकांत ४ बाद २२८ धावांवर रोखला. यापूर्वी याच मालिकेत नामिबियाने दक्षिण आफ्रिकेचा धक्कादायक पराभव केला होता.
