पुणे – लॉरेन्स बिश्नोई टोळीने पुण्यातील एका सराफाकडे 10 कोटी रुपयांची खंडणी मागितली आहे. खंडणी न दिल्यास त्यांना ठार मारण्याची धमकी ईमेलवरून देण्यात आली आहे. जर तुम्हाला बाबा सिद्दीकीप्रमाणे तुमचा जीव गमवायचा नसेल तर लॉरेन्स बिश्नोई टोळीला 10 कोटी रुपये द्या, असे धमकीच्या ईमेलमध्ये नमूद केले आहे. पैसे केव्हा आणि कसे द्यायचे याचा तपशील दुसऱ्या ईमेलवर पाठवला जाईल. याची माहिती पोलिसांना दिली गेली तर बरे होणार नाही, असे म्हटले आहे. पोलीस सहआयुक्त रंजन कुमार म्हणाले, “आम्ही या प्रकरणाचा तपास करत आहोत. लॉरेन्स बिश्नोई टोळीच्या नावाने खंडणीची मागणी करणारा ईमेल आला आहे, सुरक्षेच्या दृष्टीकोनातून सराफाचे नाव उघड केले जाऊ शकत नाही.” (Lawrence Bishnoi gang demands extortion of ₹10 crore from bullion in Pune)
