Shreya Pilgaonkar : गेल्या काही दिवसांपासून ज्येष्ठ अभिनेते सचिन पिळगांवकर त्यांच्या मुलाखतीमधील किश्यांमुळे सतत चर्चेत असतात. सचिन यांनी मराठीसह हिंदी सिनेसृष्टीतही दमदार भूमिका केलेल्या आहेत. मुलाखतींमध्ये ते आलेले अनुभव आणि किस्से शेअर करत असतात. पण त्यानंतर त्यांना मोठ्या प्रमाणावर ट्रोलही केले जाते. आता त्यांची लेक श्रिया पिळगावंकर हिला देखील ट्रोल केले जात आहे. नुकताच श्रिया पिळगांवकरने एका चॅनेलला मुलाखत दिली. या मुलाखतीमध्ये तिने “मला मेन्टली जेवण बनवता येतं. स्वयंपाकघरात जाऊन मी फार पदार्थ बनवलेले नाहीत”. असे म्हटले आहे. त्यानंतर तिला सोशल मीडियावर ट्रोल केले जात आहे. या मुलाखतीत श्रियाने तिचे वडिल सचिन यांना ट्रोलिंग केले जात असल्याच्या प्रश्नावर आता या ट्रोलिंगची एवढी सवय झाली आहे की काही वाटेनासं झालं आहे. ट्रोलर्सला काही काम नसल्याने ते आमच्यावर टीका करतात, अशा शब्दांत तिने ट्रोलर्सना खडेबोल सुनावले आहेत. सोशल मीडियावरचं जग असंच आहे. त्यामुळे या गोष्टींकडे दुर्लक्ष करत चांगलं काम करत राहायचं, असा विश्वास श्रियाने व्यक्त केला. मला जेवण बनवायला आवडेल, असा मलाच स्वत:वर विश्वास आहे. मला आजीकडून स्वयंपाक शिकायचा आहे. अनसा फणसाची भाजी, पिठलं, उकड, पावाचा उपमा या सर्व गोष्टी मला शिकायच्या आहेत. पास्ता वगैरे खूप सोप्या गोष्टी आहेत, असेही स्पष्टपणे श्रियाने सांगितले. आता तिचा हा व्हिडीओ सोशल मीडियावर व्हायरल झाला आहे. हेही वाचा : “२ तारखेला कमळाचं बटन दाबा”; भरसभेतून एकनाथ खडसेंचे आवाहन, नंतर चूक लक्षात आली अन्…नेमकं काय घडलं?
