Land For Job Case । लँड फॉर जॉब प्रकरणी लालू प्रसाद यादव यांच्यासह सर्व 9 आरोपींना राऊस ॲव्हेन्यू कोर्टाने जामीन मंजूर केला आहे. याप्रकरणी आज सुनावणी झाली. आता पुढील सुनावणी 25 ऑक्टोबरला होणार आहे. प्रत्येकाला एक लाख रुपयांच्या वैयक्तिक जातमुचलक्यावर जामीन मंजूर करण्यात आला आहे. त्याचबरोबर न्यायालयाने सर्व आरोपींना त्यांचे पासपोर्ट जमा करण्यास सांगितले आहे. लँड फॉर जॉब प्रकरणात माजी रेल्वे मंत्री लालू प्रसाद यादव, बिहारचे माजी उपमुख्यमंत्री तेजस्वी यादव, लालूंचा मोठा मुलगा तेज प्रताप यादव राऊस एव्हेन्यू कोर्टात पोहोचले. कोर्टात सुनावणीदरम्यान लालू यादव, तेजस्वी, तेज प्रताप यादव आणि मिसा भारती एकाच टेबलावर एकत्र बसले होते. ईडीच्या आरोपपत्राची दखल घेत कोर्टात हजर राहण्यासाठी समन्स बजावण्यात आले होते. ईडीने तेज प्रताप यांना आरोपी बनवले नाही Land For Job Case । ईडीने चार्जशीटमध्ये तेज प्रताप यादव यांना आरोपी बनवले नसले तरी न्यायालयाने तेज प्रताप यादव यांना समन्स जारी करताना म्हटले होते की तेज प्रताप यादव हे देखील लालू यादव कुटुंबातील सदस्य आहेत आणि मनी लाँड्रिंगमधील त्यांची भूमिका नाकारता येणार नाही. त्याची दखल घेताना न्यायालयाने म्हटले होते की, मोठ्या प्रमाणात जमिनीचे हस्तांतरण झाले. यादव कुटुंबाकडून पदाचा गैरवापर करण्यात आला आहे. सर्व आरोपीना आपले पासपोर्ट जमा करण्याचे आदेश Land For Job Case । ही जमीन यादव कुटुंबीयांच्या नावे हस्तांतरित करण्यात आल्याचे न्यायालयाने म्हटले होते. तुम्हाला सांगतो की, लँड फॉर जॉब प्रकरणी कोर्टाकडून तेज प्रताप यादव यांना पहिल्यांदाच समन्स बजावण्यात आले आहे. 18 सप्टेंबर रोजी राऊस ॲव्हेन्यू कोर्टाने ईडीच्या आरोपपत्रावर समन्स जारी केले होते. आता जामीन मिळाल्याने सर्व आरोपींना मोठा दिलासा मिळाला आहे. मात्र असे असले तरी या सर्व आरोपीना आपले पासपोर्ट जमा करण्याचे आदेश देखील देण्यात आले आहेत. जेणेकरून यातील कोणीही देश सोडून जाऊ नये. 2004 ते 2009 दरम्यान लालू प्रसाद यादव रेल्वेमंत्री असताना त्यांनी आपल्या पदाचा गैरवापर करून जमिनीच्या बदल्यात रेल्वेत नोकरी मिळवली होती. त्यांच्यावर हा आरोप करण्यात आला आहे. अंमलबजावणी संचालनालय म्हणजेच ईडी या प्रकरणाचा तपास करत आहे.
