नवी दिल्ली – आयपीएलचे संस्थापक ललित मोदी यांनी गुरुवारी राहुल गांधींवर जोरदार हल्ला चढवला. राहूल गांधींनी आपल्या ‘मोदी आडनावा’च्या वादग्रस्त विधानाबद्दल आणि त्याला फरारी म्हटल्याबद्दल आपण ब्रिटीश न्यायालयात जाणार असल्याचे ललित मोदींनी सांगितले. वर्ष 2019 मध्ये, राहुल गांधींनी राफेल डीलवरून पंतप्रधान मोदींवर निशाणा साधला होता. किमान 59,000 कोटी रुपयांच्या डीलमध्ये अनियमितता झाल्याचा आरोप केला आणि ‘मोदी आडनाव’ बद्दल आक्षेपार्ह टिप्पणी केली. कर्नाटकातील कोलार येथे एका निवडणूक सभेला संबोधित करताना राहुल गांधी म्हणाले होते की, “सर्व चोरांचे एकच आडनाव कसे आहे, मोदी.” या प्रकरणी सुरत न्यायालयाने राहुल गांधींना दोन वर्षांची शिक्षा सुनावली आहे. त्यानंतर त्यांना लोकसभेचे खासदार म्हणून अपात्र ठरवण्यात आले आहे. या प्रकरणी ललित मोदींनी एकापाठोपाठ एक अनेक ट्विट केले. आपल्याला कोणत्या आधारावर “फरारी” संबोधले जात आहे, असे त्यांनी विचारले असून म्हटले आहे की, त्यांना कधीही दोषी ठरविले गेले नाही आणि म्हणून तो एक सामान्य नागरिक आहे. राहूल गांधी आपल्यावर पूर्वग्रहदूषित आरोप करत असल्याचेही ललित मोदी म्हणाले. मी गेल्या 15 वर्षात घेतलेला एक पैसाही बेकायदा असल्याचे आजपर्यंत सिद्ध झालेले नाही. परंतु जे स्पष्टपणे सिद्ध झाले आहे की मी या जगातील सर्वात मोठी स्पोर्टिंग इव्हेंट तयार केली ज्याने जवळपास 100 अब्ज डॉलर्सची कमाई केली आहे. वर्ष 1950 च्या सुरुवातीपासूनच आमचे मोदी-कुटुंब व्यवसायात आहे, हे या कॉंग्रेस नेत्याने विसरू नये… ललित मोदी म्हणाले, “मी राहुल गांधींना ताबडतोब ब्रिटनमधील न्यायालयात नेण्याचा निर्णय घेतला आहे. मला खात्री आहे की त्यांना काही ठोस पुरावे समोर आणावे लागतील. मी त्यांना स्वत:ला पूर्ण मूर्ख बनताना पाहण्यास उत्सुक आहे. कॉंग्रेसच्या अनेक नेत्यांना टॅग करून आणि ते सर्व मालमत्तेवर लक्ष ठेवत असल्याचा आरोप करत ललित मोदींनी दुसऱ्या एका ट्विटमध्ये म्हटले आहे की, “मी पत्ता आणि फोटो इत्यादी पाठवू शकतो. भारतातील लोकांना जे खरे बदमाश आहेत त्यांना मूर्ख बनवू नका. गांधी कुटुंबाने ते केले आहे. त्यांना आमच्या देशावर राज्य करण्याचा अधिकार आहे, असे दिसते. आजवर मोदी कुटुंबाने आपल्या देशासाठी 1950 च्या दशकाच्या सुरुवातीपासून ते (राहूल गांधी) कधीही कल्पनाही करू शकत नव्हते किंवा ते स्वप्नातही पाहू शकत नाहीत, त्यापेक्षा मी जास्त केले आहे. म्हणूनच तुम्ही आपल्याच गांधी घराण्याप्रमाणे भारताच्या कलंकित लुटारूंवर भुंकत राहा. मात्र आमच्या कुटुंबाचे नव चुकूनही घेऊ नका, असेही ललित मोदींनी म्हटले आहे.
