Lalit Modi Dawood Ibrahim Threats IPL Spot Fixing : आयपीएलचे(IPL)  माजी कमिशनर ललित मोदी यांनी अनेक वर्षांच्या मौनानंतर वृत्तसंस्था ‘एएनआय’ला दिलेल्या एका विशेष मुलाखतीत धक्कादायक खुलासे केले आहेत. क्रिकेट जगतापासून कायमचे दूर जाण्यामागे आणि भारताबाहेर राहण्यामागे अंडरवर्ल्ड डॉन दाऊद इब्राहिम आणि ‘डी कंपनी’कडून मिळालेल्या जीवे मारण्याच्या धमक्या हेच सर्वात मोठे कारण होते, असा खळबळजनक दावा त्यांनी केला आहे. मॅच-फिक्सिंगच्या विरोधात घेतलेल्या कडक भूमिकेमुळे अंडरवर्ल्डचे अब्जावधी रुपयांचे सट्टेबाजीचे साम्राज्य धोक्यात आले होते आणि म्हणूनच ते माफियांच्या निशाण्यावर आले होते.

स्पॉट-फिक्सिंग आणि गुप्त इशारे!  (Lalit Modi Dawood )

ललित मोदींनी सांगितले की, आयपीएलच्या सुरुवातीच्या काळात ‘D कंपनी’ दरमहा अब्जावधी डॉलर्सचा अवैध सट्टा चालवत असे. दाऊद इब्राहिम स्वतः एक मोठा बुकी आहे. मोदींच्या मते, आता संपूर्ण मॅच फिक्स होत नाही, तर ‘ओव्हर’ आणि ‘बॉल’ फिक्स केले जातात. मैदानावर बुकी रुमाल काढणे किंवा विशिष्ट प्रकारे वस्तू घासणे यासारख्या गुप्त इशार्‍यांचा वापर करून फिक्सिंग करतात, जे सामान्य माणसाला समजतही नाही. पहिल्या ३ वर्षांत आयपीएलमध्ये कोणतीही फिक्सिंग झाली नाही, कारण त्यांनी संशयास्पद लोकांना स्टेडियममधून बाहेर काढले होते. यामुळे चिडलेल्या माफिया सिंडिकेटने त्यांना कोट्यवधी डॉलर्सच्या लाचेची ऑफर दिली, जी मोदींनी नाकारली.

मध्यरात्री दाऊदचा फोन अन् मुलाचे अपहरण!  

२०१२ मधील एका थरारक प्रसंगाची आठवण सांगताना ललित मोदी (Lalit Modi)  म्हणाले की, लंडनमध्ये एका फिक्सरने ‘बाबा’ नावाच्या एका वजनदार मध्यस्थाच्या पेंटहाऊसवर रात्री ३:३० वाजता तातडीची बैठक बोलावली होती. या बैठकीत बाबाने थेट टेरेसवरून सॅटेलाईट फोनद्वारे दाऊद इब्राहिमला कॉल केला आणि फोन स्पीकरवर टाकला. दाऊदने त्यांना “सर्व जुने वाद विसरून जा” असे सांगत अंडरवर्ल्डसाठी आयपीएल फ्रँचायझी मिळवून देण्यास सांगितले.

#WATCH | On being asked if he retired from cricket because of Dawood Ibrahim, IPL founder and first chairman Lalit Modi says, “It is one of the biggest reasons.”

He says, “He took three hits at me… Dawood himself said this… He missed three times… The reason was that I… pic.twitter.com/HKYlhdL2o6

— ANI (@ANI) June 4, 2026

ललित मोदींनी सहकार्य करण्यास नकार दिल्यानंतर त्यांच्यावर जगभरात हल्ल्यांचे कट रचले गेले. मुंबईत त्यांच्या घरावर गोळीबार झाला, जोहान्सबर्ग, केप टाऊन आणि मॉन्टेनेग्रो येथे त्यांच्यावर हल्ल्याचे प्रयत्न झाले. इतकेच नाही तर, त्यांच्या मुलाला लंडनच्या स्लोन स्ट्रीटवरून ‘बाबा अविन’ नावाच्या व्यक्तीने अपहरण केले होते. त्यानंतर मुंबई पोलिसांनी त्यांना ‘Z’ दर्जाची सुरक्षा दिली होती.  (Lalit Modi Dawood)

हेही वाचा – IND vs AFG : आधी विराट अन् आता ‘या’ दोघांच्या खेळण्यावरही सस्पेन्स! अफगाणिस्तान मालिकेपूर्वी टीम इंडियाचे टेन्शन वाढले

क्रिकेटमधून संन्यास घेण्याच्या अटीवर वाचला जीव!  (Lalit Modi Dawood)

 

हा प्राणघातक वाद तेव्हाच शांत झाला जेव्हा ललित मोदींनी क्रिकेट प्रशासनातून कायमचे दूर जाण्याची लेखी हमी दिली. मोदींनी सांगितले, “अंडरवर्ल्डचा दुसरा मोठा गुंड छोटा शकील याने एका लाईव्ह मुलाखतीत सांगितले होते की आमचा ललित मोदींसोबतचा वाद मिटला आहे. मी क्रिकेटमधून पूर्णपणे संन्यास घेण्याचे वचन दिले होते, म्हणूनच माझा जीव वाचला. सरकारी दबाव आणि मीडियाच्या त्रासासोबतच हा जीवे मारण्याचा दबाव मी का सहन करू? म्हणूनच मी क्रिकेट सोडले.”