Los Angeles Knight Riders Win MLC 2026 Title : अमेरिकेत खेळवल्या जाणाऱ्या ‘मेजर लीग क्रिकेट’ (MLC 2026) च्या चौथ्या हंगामाला एक अत्यंत थरारक अंत मिळाला आहे. १९ जुलै रोजी ओकलंडच्या स्टेडियमवर खेळल्या गेलेल्या अंतिम सामन्यात लॉस एंजिल्स नाइट राइडर्सने (LAKR) वाशिंग्टन फ्रीडमचा अवघ्या १ धावेने पराभव करत पहिल्यांदाच या ऐतिहासिक विजेतेपदावर आपले नाव कोरले आहे. १६५ धावांच्या लक्ष्याचा पीछा करताना वाशिंग्टन फ्रीडमचा संघ १९ षटकांत १५१ धावांपर्यंत पोहोचला होता, मात्र शेवटच्या षटकातील कमालीच्या नाट्यमय घडामोडींमुळे त्यांना अवघ्या एका धावेने पराभव पत्करावा लागला.

अंतिम षटकात रंगला श्वास रोखणारा थरार!

वाशिंग्टन फ्रीडमच्या संघाला शेवटच्या ६ चेंडूंत विजयासाठी १४ धावांची गरज होती. नाइट राइडर्सकडून कर्णधार जेसन होल्डरने गोलंदाजीची धुरा शॅडली वॅन शल्कविककडे सोपवली. पहिल्याच चेंडूवर ओबस पिएनारने शानदार षटकार ठोकून सामना ५ चेंडूंत ८ धावा असा आणला. मात्र, दुसऱ्याच चेंडूवर शल्कविकने पिएनारला बोल्ड केले आणि पुढच्या चेंडूवर इयान हॉलंडला गोल्डन डकवर बाद करत सामन्याचे पारडे फिरवले.

Los Angeles Knight Riders won by 1 run as they defeated Washington Freedom in the Finals of Major League Cricket 2026

𝐌𝐚𝐢𝐝𝐞𝐧 𝐌𝐋𝐂 𝐭𝐢𝐭𝐥𝐞 𝐟𝐨𝐫 𝐊𝐧𝐢𝐠𝐡𝐭 𝐑𝐢𝐝𝐞𝐫𝐬#MLC #MLC2026 #SunilNarine #KnightRiders

[MLC Champion, Sunil Narine]pic.twitter.com/Nhtr4nR0q8

— Vikas Kohli (@imvikaskohli) July 19, 2026

शेवटच्या ३ चेंडूंत ८ धावा हव्या असताना, चौथ्या चेंडूवर लॉकी फर्ग्युसनने चौकार मारला. पाचव्या चेंडूवर एक धाव आली. अंतिम चेंडूवर विजयासाठी ३ धावांची गरज असताना लाहिरु मिलन्था केवळ १ धाव काढू शकला आणि नाइट राइडर्सने १ धावेने बाजी मारली.

MAIDEN MLC TITLE FOR LAKR! 🏆💜
​Held their nerve in a breathtaking final over to beat Washington Freedom by 1 run! Sunil Narine turns up big yet again.
​#MLC2026 #LAKR pic.twitter.com/sl1GHlTb5n

— Saawan Kumar | KKR Tactical Analyst (Fan) 💜 (@Saawan_KKR) July 19, 2026

सुनील नरेनची फिरकी आणि होल्डरचा ऐतिहासिक ‘४००’ चा टप्पा –

Jason Holder and Dwayne Bravo pose with the trophy pic.twitter.com/GAXurIWi7z

— Vinod Bro (@VinodBro13648) July 19, 2026

लॉस एंजिल्स नाइट राइडर्ससाठी १६४ धावांच्या आव्हानाचा बचाव करणे सोपे नव्हते. मात्र, कर्णधार जेसन होल्डर आणि फिरकीपटू सुनील नरेन यांनी प्रत्येकी ३-३ विकेट्स घेत वाशिंग्टनच्या फलंदाजीचे कंबरडे मोडले. नरेनने आपल्या ४ षटकांत अवघ्या १३ धावा देत स्टीव्ह स्मिथ, रचिन रवींद्र आणि मिचेल ओवेन यांसारख्या बड्या फलंदाजांना बाद केले.

हेही वाचा – Sindhu Wins Japan : पी. व्ही. सिंधूने रचला इतिहास! जपान ओपनचं जेतेपद पटकावणारी ठरली पहिली भारतीय महिला बॅडमिंटनपटू

दुसरीकडे, जेसन होल्डरने या सामन्यात आपल्या टी-२० कारकिर्दीतील ४०० विकेट्सचा टप्पा पूर्ण केला. टी-२० क्रिकेटमध्ये अशी कामगिरी करणारा तो वेस्ट इंडिजचा केवळ चौथा गोलंदाज ठरला आहे.