France vs Paraguay Kylian Mbappe Orlando Gill Controversy : फिफा फुटबॉल विश्वचषक २०२६ स्पर्धेत ‘राऊंड ऑफ १६’ च्या अटीतटीच्या सामन्यात फ्रान्सने पॅराग्वेचा १-० असा पराभव करत उपांत्यपूर्व फेरीत धडक मारली आहे. फ्रान्सचा स्टार स्ट्रायकर आणि कर्णधार किलियन एम्बाप्पे याने पेनल्टीवर केलेला गोल या सामन्यात निर्णायक ठरला. मात्र, अंतिम शिट्टी वाजल्यानंतर मैदानावर दोन्ही संघांतील खेळाडूंमध्ये वादाचे आणि कमालीच्या तणावाचे चित्र पाहायला मिळाले. पॅराग्वेच्या गोलरक्षकाने रागाच्या भरात थेट एम्बाप्पेच्या पाठीवर चेंडू फेकून मारल्याने सोशल मीडियावर या वादाची मोठी चर्चा रंगली आहे.

हस्तांदोलन नाकारल्याने गोलरक्षक भडकला –

सामना संपल्यानंतर पॅराग्वेचा गोलरक्षक ऑर्लॅंडो गिल हा एम्बाप्पेचे अभिनंदन करण्यासाठी आणि हस्तांदोलन करण्यासाठी पुढे आला होता. मात्र, फ्रान्सचा कर्णधार एम्बाप्पे हा विजयाचा जल्लोष साजरा करण्यात इतका मग्न होता की, त्याने गिलकडे दुर्लक्ष केले आणि तो पुढे निघून गेला. स्वतःचा हा अपमान सहन न झाल्याने संतप्त झालेल्या ऑर्लॅंडो गिलने चेंडू थेट एम्बाप्पेच्या पाठीवर फेकून मारला. सुदैवाने, एम्बाप्पेने या प्रकारावर कोणतीही पलटवार करणारी प्रतिक्रिया न देता आपला आनंद साजरा करणे सुरू ठेवले, ज्यामुळे हा वाद तिथेच शांत झाला.

७० व्या मिनिटाला ‘VAR’ चा ड्रामा अन् एम्बाप्पेचा गोल!

Gill offered Mbappé a handshake after France beat Paraguay 1–0 in the Round of 16. Mbappé ignored him, Gill reacted by throwing the ball at his back, sparking a brief scuffle.
Gill later said he calmed down and respected France’s performance. pic.twitter.com/yFF0KfmlW2

— G E (@GodwinsOE) July 5, 2026

दोन वेळच्या विश्वविजेत्या फ्रान्सला पॅराग्वेने पूर्ण ९० मिनिटे कडवी झुंज दिली. पॅराग्वेच्या खेळाडूंनी बचावात्मक पवित्रा घेत आणि वारंवार फाऊल करत फ्रान्सच्या खेळाचा वेग रोखला होता. पहिल्या ६९ मिनिटांपर्यंत दोन्ही संघांना एकही गोल करता आला नव्हता. अखेर ७० व्या मिनिटाला डिझिरे डुए हा पेनल्टी क्षेत्रात धावत असताना डिएगो गोमेझने त्याला चुकीच्या पद्धतीने टॅकल केले. पंचांनी सुरुवातीला खेळ सुरू ठेवला, पण व्हिडिओ असिस्टंट रेफ्री (VAR) तपासणीनंतर फ्रान्सला पेनल्टी बहाल करण्यात आली. या संधीवर एम्बाप्पेने अचूक गोल करत फ्रान्सला १-० अशी विजयी आघाडी मिळवून दिली.

हेही वाचा – Shreyas Iyer Statement : “ही आमची सर्वात खालची पायरी, आता फक्त…” मँचेस्टरमध्ये इंग्लंडने धूळ चारल्यानंतर भावूक झालेल्या श्रेयस अय्यरचे खळबळजनक वक्तव्य

गोल्डन बूटच्या शर्यतीत मेस्सीच्या बरोबरीवर; आता मोरोक्कोशी टक्कर –

Paraguay’s goalkeeper Orlando Gill on the altercation with Mbappe pic.twitter.com/10s7BIPLyg

— AM☬ (@AbsoluteMxssi) July 5, 2026

या महत्त्वपूर्ण गोलसह किलियन एम्बाप्पेने चालू विश्वचषकात आपले एकूण ६ गोल पूर्ण केले असून, तो आता अर्जेंटिनाचा कर्णधार लिओनेल मेस्सीच्या बरोबरीवर (गोल्डन बूटच्या शर्यतीत) आला आहे. आता उपांत्यपूर्व फेरीत फ्रान्सचा सामना मोरोक्कोशी होणार असून, हा हाय-व्होल्टेज सामना १० जुलै रोजी पहाटे १:३० वाजता खेळवला जाईल.