Krystle D’Souza: टीव्ही आणि चित्रपटसृष्टीतील अभिनेत्री क्रिस्टल डिसूजा हिने नुकत्याच दिलेल्या मुलाखतीत ‘शरारत’ गाण्याच्या लॉन्चसोबत जोडलेली एक खास आठवण सांगितली. या कार्यक्रमात तिच्यासोबत अभिनेता रणवीर सिंह उपस्थित होता. क्रिस्टलने सांगितले की, ‘शरारत’ गाण्याच्या लॉन्चवेळी स्टेजवर जाऊन परफॉर्म करण्याचा तिचा अजिबात विचार नव्हता. गाणे गायिका जॅस्मिन सँडलास आणि मधुबंती बागची यांनी सादर केले. गाणे सुरू होताच प्रेक्षकांनी जबरदस्त प्रतिसाद दिला आणि संपूर्ण वातावरण उत्साहाने भरून गेले. क्रिस्टल डिसूझा शरारत गाण्यातील घटना सांगितली त्या वेळी क्रिस्टल साडीमध्ये होती आणि स्टेजवर नाचण्यासाठी तयार नव्हती. ती थोडी घाबरलेलीही होती. तेव्हा रणवीर सिंह तिच्याकडे आला आणि म्हणाला, “हे तुझं गाणं आहे, तू स्टेजवर जाऊन परफॉर्म करायलाच हवं. हा तुझा क्षण आहे.” रणवीरच्या प्रोत्साहनामुळे क्रिस्टलने धाडस करून स्टेजवर परफॉर्म केले. रणवीरने आधी गायिकांना पूर्ण वेळ दिला आणि त्यानंतर पुन्हा गाणे लावून क्रिस्टलला मध्यभागी ठेवत तिला चमकण्याची संधी दिली. Krystle D’Souza या आठवणीबद्दल बोलताना क्रिस्टल भावुक झाली. ती म्हणाली, “एवढ्या मोठ्या स्टारने मला तो क्षण जगू दिला, हे माझ्यासाठी खूप खास होतं.” तिच्या मते, खरा सुपरस्टार तोच असतो जो इतरांनाही पुढे येण्याची संधी देतो. वर्कफ्रंटबद्दल बोलायचे झाले तर रणवीर सिंह सध्या ‘धुरंधर’ या आगामी चित्रपटामुळे चर्चेत आहे. तर क्रिस्टल देखील तिच्या नव्या प्रोजेक्ट्समध्ये व्यस्त आहे. मात्र ‘शरारत’ गाण्याच्या लॉन्चचा तो खास क्षण तिच्यासाठी कायम लक्षात राहणार आहे.
