kolkata hospital।  कोलकात्याच्या उत्तरेकडील माणिकतला याठिकाणी असलेल्या जेएन रे हॉस्पिटलने मोठा निर्णय घेतला आहे. रुग्णालयाने बांगलादेशी रुग्णांना उपचार देण्यास नकार दिला आहे. बांगलादेशातील अल्पसंख्याक हिंदूंवर होत असलेल्या कथित अत्याचाराच्या निषेधार्थ हे पाऊल उचलण्यात आले असल्याचे रुग्णालयाकडून सांगण्यात आले आहे.  रुग्णालयाचे अधिकारी सुभ्रांशु भक्त यांनी ही माहिती दिली. त्यांनी “बांगलादेशी नागरिकांकडून भारतीय राष्ट्रध्वजाचा अपमान झाल्यानंतर हा निर्णय घेण्यात आला आहे.”असे त्यांनी म्हटले.

कोणत्याही बांगलादेशी रुग्णाला उपचारासाठी स्वीकारणार नाही  kolkata hospital। 

रुग्णालयाने आपल्या अधिसूचनेत म्हटले आहे की, “आजपासून पुढील आदेशापर्यंत आम्ही कोणत्याही बांगलादेशी रुग्णाला उपचारासाठी स्वीकारणार नाही. त्यांनी भारताबद्दल दाखविलेल्या अनादरामुळे हे आम्हाला करावे लागत आहे.”असे सांगण्यात आले आहे. सुभ्रांशु भक्त यांनी शहरातील इतर रुग्णालयांनीही या सूचनेचे पालन करण्यासाठी त्यांना सहकार्य करण्याचे आवाहन केले.

भक्त यांनी पुढे, “तिरंग्याचा अपमान लक्षात घेऊन आम्ही बांगलादेशींना दिलेली वागणूक थांबवण्याचा निर्णय घेतला आहे. बांगलादेशच्या स्वातंत्र्यात भारताने महत्त्वाची भूमिका बजावली होती, पण असे असूनही आज आम्ही भारतविरोधी भावना पाहत आहोत. आम्हाला आशा आहे की, इतर रुग्णालये देखील आम्हाला पाठिंबा देतील आणि अशीच पावले उचलतील.” असा विश्वास यावेळी त्यांनी व्यक्त केला.

हा निर्णय गंभीर समस्या प्रतिबिंबित करतो ज्याठिकाणी रुग्णालय आरोग्य सेवांना राजकीय आणि सांस्कृतिक समस्यांशी जोडत आहे. यामुळे दोन्ही देशांमधील गुंतागुंत आणखी वाढू शकते. इतर रुग्णालये या निर्णयाचे पालन करतात का आणि भविष्यात त्याचा काय परिणाम होतो हे पाहणे उत्सुकतेचे ठरणार आहे.

बांगलादेशात हिंदूंवर अत्याचार kolkata hospital। 

बांगलादेशात नवीन अंतरिम सरकार आल्यापासून हिंदू समाजाविरुद्ध हिंसाचाराच्या अनेक घटना समोर आल्या आहेत. या काळात मंदिरांची तोडफोड करण्यात आली असून समाजातील अनेक लोकांचे बळीही गेले आहेत. दरम्यान हिंसाचार सुरूच असून भारताने त्याचा तीव्र निषेध केला आहे.

हेही वाचा
CWC बैठकीत राहुल गांधींचा संताप ; म्हणाले,”खरगे जी आता तरी कारवाई करा”