KL Rahul Statement : “माझ्या आयुष्यातील ती सर्वात संथ १५ सेकंदं…”, अवघ्या ५ धावांवर जीवनदान मिळालेल्या राहुलने किवी खेळाडूला दिली खास ऑफर!
KL Rahul Statement on Glenn Phillips : न्यूझीलंडविरुद्धच्या पहिल्या कसोटीतील पहिल्या डावात शतकी खेळी साकारणाऱ्या केएल राहुलने ग्लेन फिलिफ्सला सामन्यानंतर ड्रींक पाजणार असणार असल्याचे म्हटले आहे, पण तो असं का म्हणाला? ते जाणून घेऊया.

KL Rahul jokes about offering drinks to Glenn Phillips : न्यूझीलंडविरुद्धच्या पहिल्या कसोटी सामन्याच्या तिसऱ्या दिवशी अनुभवी सलामीवीर केएल राहुलने ऐतिहासिक शतक झळकावले. यासह त्याने सचिन तेंडुलकर आणि विराट कोहली यांच्या खास यादीत स्थान मिळवले. तसेच सर्व ‘सेना’ (SENA) देशांमध्ये शतक ठोकणारा तो पहिलाच भारतीय सलामीवीर ठरला आहे. मात्र, ही विक्रमी खेळी अवघ्या पाच धावांवरच संपुष्टात आली असती, परंतु किवी खेळाडू ग्लेन फिलिप्सच्या एका सल्ल्यामुळे राहुलला मोठे जीवदान मिळाले, ज्यासाठी तो त्याला सामन्यानंतर ड्रिंक्स ऑफर करणार आहे.
ग्लेन फिलिप्सच्या नकारामुळे न्यूझीलंडने गमावली संधी –
भारतीय डावाच्या सातव्या षटकात राहुल पाच धावांवर खेळत असताना वेगवान गोलंदाज मॅट हेन्रीने पायचीत (LBW) होण्याची जोरदार अपील केली होती. चेंडू थेट यष्ट्यांवर आदळत असल्याचे नंतर बॉल-ट्रॅकिंगमध्ये स्पष्ट झाले. मात्र, मैदानावरील ग्लेन फिलिप्सने चेंडू बॅटला लागल्याचे सतत सांगितल्याने कर्णधार टॉम लॅथमने रिव्ह्यू न घेण्याचा निर्णय घेतला आणि केएल राहुलला जीवनदान मिळाले.
“ते माझ्या आयुष्यातील सर्वात संथ १५ सेकंद होते” – केएल राहुल
🗣️ 𝙒𝙝𝙚𝙣 𝙄 𝙜𝙤𝙩 𝙩𝙝𝙞𝙨 𝙤𝙥𝙥𝙤𝙧𝙩𝙪𝙣𝙞𝙩𝙮, 𝙄 𝙬𝙖𝙣𝙩𝙚𝙙 𝙩𝙤 𝙢𝙖𝙠𝙚 𝙩𝙝𝙚 𝙢𝙤𝙨𝙩 𝙤𝙛 𝙞𝙩
🎥 Centurion @klrahul on his successful maiden Test outing in New Zealand and seizing the moment 💪
#TeamIndia | #NZvIND https://t.co/vQK60QnYMm
— BCCI (@BCCI) November 21, 2026
तिसऱ्या दिवसाचा खेळ संपल्यानंतर पत्रकार परिषदेत राहुलने हसतमुखाने या प्रसंगाचा उलगडा केला. तो म्हणाला की, “चेंडू ऑफ स्टंपच्या बाहेर लागल्याचं मला वाटलं होतं, पण रिव्ह्यू घेण्याच्या निर्णयाचे ते १५ सेकंद माझ्या आयुष्यातील सर्वात संथ सेकंद होते. ग्लेन फिलिप्सने रिव्ह्यू घेण्यास मनाई केल्यामुळे मला जीवनदान मिळाले.मात्र जेव्हा रिव्ह्यू घ्यायचा की नाही अशी चर्चा सुरु होती, तेव्हा मला वाटतं होतं सगळ्यांनी फिलिप्सच ऐकावं आणि शेवटी तसंच झालं, त्यामुळे सामन्यानंतर मी नक्कीच फिलिप्स आणि टॉम लॅथम यांना ड्रिंक्स पाजणार आहे”, असे राहुलने गमतीने सांगितले.
भारताकडे ११८ धावांची भक्कम आघाडी, गिलचे शतक हुकले –
KL Rahul said, “I will buy Glenn Phillips a few drinks after the Test for not reviewing that, those were the slowest 15 seconds of my life and I kept hoping people listen to Glenn and don’t take the DRS”. (Sahil Malhotra). https://t.co/aXh535SFxU
— Mufaddal Vohra (@mufaddal_vohra) November 21, 2026
केएल राहुलच्या १३६ धावांच्या दमदार शतकी खेळीच्या जोरावर भारताने तिसऱ्या दिवसअखेर ४ बाद ४८६ धावा उभारून ११८ धावांची भक्कम आघाडी घेतली आहे. दिवसाचा खेळ अत्यंत नाट्यमय वळणावर संपला, जेव्हा कर्णधार शुबमन गिल शतकाच्या अगदी जवळ असताना १२५ व्या षटकात जेकब डफीच्या चेंडूवर ९८ धावांवर त्रिफळाचित झाला. या कसोटी सामन्यात भारताने आता आपली पकड पूर्णपणे मजबूत केली आहे.





