Kim Jong Un : उत्तर कोरियाने आज अत्याधुनिक क्रूझ क्षेपणास्त्राची चाचणी घेतली. उत्तर कोरियाचे सर्वेसर्वा किम जोंग उन (Kim Jong Un) आणि त्यांच्या कन्येने या चाचणीच्यावेळी प्रत्यक्ष उपस्थित राहून पहाणी केली. चोए ह्यून या वर्षभरापुर्वीच उत्तर कोरियाच्या नौदलात दाखल झालेल्या विनाशिकेवरून हे क्षेपणास्त्र प्रक्षेपित करण्यात आले होते. उत्तर कोरियाच्या पश्चिमेकडील किनारपट्टीजवळच्या बेटावरील लक्ष्य या क्षेपणास्६ने अजूक गाठले, असे उत्तर कोरियाच्या वृत्तसंस्थेने म्हटले आहे. युद्धनौकेवरून प्रक्षेपित केले जाणाऱ्या या क्षेपणास्६मुळे उत्तर कोरियाच्या नौदलाची मारक क्षमता किती घातक आहे, हे जगाला दाखवण्यासाठी ही चाचणी केली गेल्याचे किम यांनी म्हटले आहे. किम यांच्या उपस्तितीत गेल्या आठवड्यात अशाच क्षेपणास्त्राच्या चाचणीची पहाणी केली होती. अमेरिका-इराणमधील संघर्ष वाढला असताना ही चाचणी घेतली गेली आहे. अलिकडेच दक्षिण कोरिया आणि अमेरिकेच्या लष्कराने संयुक्त युद्धसराव घेतला आहे. प्रीडम शील्ड नावाच्या ११ दिवसांच्या युद्धसरावाला सोमवारपासून सुरुवात झाली असल्याने या दोन्ही देशांना इशारा देण्यासाठी ही चाचणी घेतली गेली आहे. किम जोंग उन नेहमीच अशा क्षेपणास्६ंच्या चाचणीला प्रत्यक्ष पस्थित असतात. अलिकडच्या काळात त्यांची १३ वर्षांची कन्या किम जू ए देखील २०२२ पासून अशा लष्करी समारंभाला वडिलांबरोबर उपस्थित असते. आपल्या कन्येला आपले वारसदार म्हणून तयार करण्याची तयारी किम जोंग उन यांनी सुरू केली असल्याचे दक्षिण कोरियाच्या गुप्तहेर एजन्सीने गेल्या महिन्यातच म्हटले आहे.
