Kiara and Sidharth:  सोशल मीडियावर सध्या एक अत्यंत रंजक आणि रंगीबेरंगी ट्रेंड तुफान व्हायरल होत आहे. सध्या इन्स्टाग्राम फीडवर सर्वत्र ८० च्या दशकातील ‘रेट्रो स्टाइल’ (Retro Style) ने धुमाकूळ घातला आहे. सामान्य लोकांपासून ते बॉलिवूडमधील अनेक बड्या कलाकारांपर्यंत प्रत्येकजण आपले फोटो जुन्या विंटेज लूकमध्ये बदलून सोशल मीडियावर शेअर करत आहे.  (Kiara and Sidharth)

या ट्रेंडला अभिनेत्री कियारानेही फॉलो केलं असून तिने पती सिद्धार्थसोबतचा एक एआय फोटो शेअर केला आहे. या फोटोमध्ये दोघेही 80 च्या दशकातील स्टार्ससारखे दिसत आहेत. डबल डेनिम आउटफिट मध्ये सिद्धार्थ एकदम हँडसम दिसतोय. त्यासोबत त्याने डार्क एविएटर सनग्लासेस घातले. ज्यामुळे त्याचा लूक जुन्या काळातील बॉलिवूड हिरोसारखा वाटतोय. (Kiara and Sidharth)

तर दुसरीकडे, कियाराने गुलाबी रंगाचा पफ-स्लीव्ह ड्रेस, हूप इअररिंग्स आणि बांगड्या घालून फोटो शेअर केला. तिच्या या संपूर्ण लूकने 80-90 च्या दशकातील बॉलिवूड अभिनेत्रींची आठवण करून दिली. कियाराने हा फोटो इन्स्टाग्राम स्टोरीवर शेअर करताना त्यावर “80च्या दशकात परत” असंही लिहिलं.  (Kiara and Sidharth)

 

तसेच तिने सिद्धार्थच्या आगामी ‘द वन’ या चित्रपटातील रोमँटिक गाणे ‘समझो ना’ हे देखील याच फोटोसबत जोडलं होतं. याशिवाय परिणीती चोप्रानेही पती राघव चढ्ढा यांच्यासोबतचा एक मजेशीर रेट्रो फोटो शेअर केला आहे, ज्यामध्ये दोघे कॉटन कँडी खाताना दिसत आहेत. त्यांचा हा अंदाज देखील अनेकांच्या पसंतीस पडला आहे.

कियारा अडवाणी ही नुकतीच गीतू मोहनदास यांच्या ‘टॉक्सिक: ए फेयरीटेल फॉर ग्रोन अप्स’ या चित्रपटात दिसली होती. तर सिद्धार्थ मल्होत्रा सध्या आपल्या आगामी ‘द वन’ या चित्रपटामुळे चर्चेत आहे. हा चित्रपट 25 सप्टेंबर रोजी रिलीज होणार आहे. यात त्याच्यासोबत तमन्ना भाटिया, श्वेता तिवारी, सुनील ग्रोव्हर आणि मनीष पॉल हे कलाकारही दिसणार आहेत.

हेही वाचा: 

US Iran War: “अमेरिका-इराण युद्ध २०२९ पर्यंत सुरू राहणार…” ; व्हाईट हाऊसचा धक्कादायक अंदाज