Kalas News : इंदापूरात कालवा व वितरिकांची दुरवस्था; दुरुस्तीची कामे रखडल्याने शेतकऱ्यांमध्ये तीव्र नाराजी
Kalas News : इंदापूर तालुक्याच्या पश्चिम भागातील शेती व पाणीपुरवठा योजनांसाठी जीवनवाहिनी ठरलेल्या खडकवासला कालवा आणि त्याच्या वितरिकांची मोठी दुरवस्था झाली आहे.

Kalas News : इंदापूर तालुक्याच्या पश्चिम भागातील खडकवासला कालवा व वितरिकांची दुरवस्था झाली आहे. त्याची दुरुस्ती लाभधारक शेतकरी गेल्या कित्येक वर्षांपासून करत आहेत. मात्र, जलसंपदा विभागाचे याकडे दुर्लक्ष आहे. परिणामी, शेतकऱ्यांमधून याबाबत नाराजी व्यक्त होताना दिसत आहे. (Kalas News)
काही ठिकाणी वितरिकांचे अस्तित्वच नष्ट झाले आहे, तर काही ठिकाणी एक किलोमीटर अंतरापेक्षा पुढे पाणीच जात नाही. वितरिका व कालव्यात मोठ्या प्रमाणात गाळ, दगडगोटे व झाडे, झुडपे वाढलेली आहेत. (Kalas News)
गेल्या गेल्या वर्षी जलसंपदा विभागाने कळस (ता. इंदापूर) परिसरातील वितरिका क्रमांक ४८, ४९, ५० मधील गाळ व झाडे, झुडपे काढण्याचे काम हाती घेतलेले होते. त्या वेळी परिसरातील लाभधारक शेतकऱ्यांमध्ये समाधानाचे वातावरण होते. (Kalas News)
परंतु, हे काम साधारण एक किलोमीटर अंतरापर्यंतच करण्यात आले. त्यानंतर मोठ्या यंत्राचे काम संपले असून, नंतर छोट्या यंत्राने राहिलेली कामे पूर्ण करू, असे शेतकऱ्यांना सांगण्यात आले होते. मात्र,एक वर्ष उलटून गेले, तरी अद्याप या कामाला मुहूर्त लागला नाही. (Kalas News)
त्यामुळे जलसंपदा विभागाच्या कारभाराबद्दल शेतकऱ्यांमधून नाराजी व्यक्त होताना दिसत आहे. कालवा व वितरिकांच्या दुरुस्ती कामासाठी जलसंपदा विभाग निधीची तरतूदच करीत नसल्याचे चित्र आहे. वरील तालुक्यांना निधी मंजूर होतो अन् शेवटच्या टोकाच्या वाट्याचा निधी जातो कुठे? असा प्रश्न लाभधारक शेतकऱ्यांकडून विचारला जात आहे. (Kalas News)
खडकवासला कालव्यावर तालुक्यातील शेटफळगढे, निरगुडे, मदनवाडी, अकोले, भादलवाडी, कळस, रुई, न्हावी, लोणी देवकर येथील पाझर तलाव, छोट्या-मोठ्या बंधाऱ्यांसह पाणी योजना व शेतीक्षेत्र मोठ्या प्रमाणावर अवलंबून आहे. (Kalas News)
हजारो हेक्टरवरील क्षेत्र अद्याप पाण्याविना पडीक आहे. कालवा व वितरिकांची दुरुस्ती झाल्यास हजारो एकरावरील शेती बागायती होईल व शेतकऱ्यांमध्ये सुबकता येईल. त्यामुळे जलसंपदा विभागाने वितरिकाच्या दुरुस्तीच्या कामांकडे लक्ष देण्याची गरज असल्याचे मत लाभधारक शेतकऱ्यांमधून व्यक्त होताना दिसत आहे. (Kalas News)





