Keshav Prasad Maurya : उपमुख्यमंत्री अजित पवार यांच्या बारामती विमान आघाताची चर्चा अजूनही सुरुच असताना आज (7 मार्च) उत्तर प्रदेशचे उपमुख्यमंत्री केशव प्रसाद मौर्य (Keshav Prasad Maurya) आज एका मोठ्या अपघातातून थोडक्यात बचावले. केशव प्रसाद मौर्य (Keshav Prasad Maurya) यांनी कौशाम्बीसाठी उड्डाण केल्यानंतर काही वेळातच त्यांच्या हेलिकॉप्टरमध्ये तांत्रिक बिघाड झाला. त्यामुळे औमासीच्या विमानतळावर त्यांना हेलिकॉप्टरचे इमर्जन्सी लँडिंग करावे लागले. Keshav Prasad Maurya मिळालेल्या वृत्तानुसार, उपमुख्यमंत्री लखनौच्या ला मार्टस् मैदानावरून कौशाम्बीसाठी रवाना झाले होते. उड्डाणानंतर काही मिनिटांतच हेलिकॉप्टरच्या केबिनमध्ये अचानक धुराचे लोट येऊ लागले आणि डिस्प्ले सिस्टम बंद पडली. यानंतर पायलटने ताबडतोब लखनौ एटीसीशी संपर्क साधला आणि अमौसी विमानतळावर आपत्कालीन लँडिंगची परवानगी मागितली. हेलिकॉप्टर उतरताच, सुरक्षा आणि तांत्रिक पथकांनी उपमुख्यमंत्र्यांना सुरक्षितपणे बाहेर काढले. दरम्यान, प्राथमिक तपासात तांत्रिक बिघाड असल्याचे दिसून आले आहे, ज्याची तांत्रिक तज्ज्ञांच्या पथकाकडून कसून चौकशी केली जात आहे. हे पण वाचा : Jay Pawar : रोहित पवारांनंतर आता जय पवार ॲक्टिव्ह; पत्रकार परिषदेद्वारे करणार ‘हा’ मोठा खुलासा
