तिरुअनंतपुरम – केरळमधील डाव्या आघाडी सरकारने शालेय पाठ्यपुस्तकांमध्ये ‘भारत’ ऐवजी ‘भारत’ शब्द वापरण्याबाबत एनसीईआरटी समितीच्या नुकत्याच केलेल्या शिफारशीवर पुनर्विचार करण्यासाठी केंद्र सरकारच्या हस्तक्षेपाची मागणी केली आहे. राज्याचे सामान्य शिक्षण मंत्री व्ही. शिवनकुट्टी यांनी पंतप्रधान नरेंद्र मोदी आणि केंद्रीय शिक्षण मंत्री धर्मेंद्र प्रधान यांना ईमेलद्वारे पत्र पाठवून या प्रकरणात हस्तक्षेप करण्याची विनंती केली आहे.

नॅशनल कौन्सिल ऑफ एज्युकेशनल रिसर्च अँड ट्रेनिंगने (एनसीईआरटी) शालेय अभ्यासक्रमात सुधारणा करण्यासाठी स्थापन केलेल्या उच्चस्तरीय समितीने देशातील सर्व शालेय पाठ्यपुस्तकांमध्ये देशाचे नाव ‘इंडिया’ ऐवजी ‘भारत’ असे लिहिण्याची शिफारस केली आहे.

मंत्री शिवनकुट्टी यांनी आपल्या पत्रांमध्ये शैक्षणिक प्रणाली आणि देशाच्या एकात्मतेच्या हितासाठी विद्यमान प्रथा राखण्याचे महत्त्व अधोरेखित केले. ते म्हणाले की, पिढ्यानपिढ्या विद्यार्थ्यांनी ‘इंडिया’ याच नावाने देशाचा समृद्ध भूतकाळ, इतिहास आणि वारसा जाणून घेतला आहे, त्यात कोणताही बदल केल्यास गोंधळ निर्माण होईल आणि शैक्षणिक व्यवस्थेतील सातत्य बाधित होईल.