Kerala Election Results 2026: केरळ विधानसभा निवडणुका  संपन्न झाल्याने, आता सर्वांचे लक्ष आज होणाऱ्या मतमोजणीच्या निकालांवर  लागले आहे. मतमोजणी सकाळी ८ वाजता सुरू झाली आहे.

यामध्ये राज्यात अटीतटीची लढत पाहायला मिळत आहे. याठिकाणी केरळमध्ये सुरुवातीच्या कलांनुसार डावे ४५ जागांवर आघाडीवर आहेत, तर काँग्रेस आघाडी ३२ जागांवर आघाडीवर आहे.

केरळ विधानसभा निवडणुका ९ एप्रिल, २०२६ रोजी संपन्न झाल्या. यानंतर, एक्झिट पोलच्या निकालांनुसार काँग्रेसच्या नेतृत्वाखालील संयुक्त लोकशाही आघाडीला (यूडीएफ) प्रचंड विजय मिळाल्याचे संकेत मिळत आहेत. तथापि, केरळमधील सत्ताधारी डाव्या आघाडीकडून कडवी झुंज दिली जात असल्याचे दिसत आहे. भारतीय जनता पक्ष (भाजप) देखील या डाव्या विचारसरणीच्या राज्यात आपला प्रभाव सक्रियपणे वाढवत असल्याचे दिसते. Kerala Election Results 2026:

यावेळी केरळ विधानसभा निवडणुका अत्यंत चुरशीच्या होऊ शकतात, असाही अंदाज लावला जात आहे.  चाणक्य एक्झिट पोलच्या आकडेवारीनुसार, केरळमधील सत्ताधारी लेफ्ट डेमोक्रॅटिक फ्रंट (LDF) विधानसभा निवडणुकीत ९८ टक्के मते मिळवेल,

तर काँग्रेसच्या नेतृत्वाखालील UDF ला ४० टक्के आणि भारतीय जनता पक्षाला (BJP) २० टक्के मते मिळतील असा अंदाज आहे. याशिवाय, राज्यातील इतर पक्षांना आणि उमेदवारांना २ टक्के मतांचा वाटा मिळण्याचा अंदाज आहे.

जागांच्या बाबतीत, १४० विधानसभा जागा असलेल्या केरळमध्ये, चाणक्य स्ट्रॅटेजीच्या एक्झिट पोलच्या आकडेवारीनुसार, काँग्रेसच्या नेतृत्वाखालील UDF ला ७२ ते ८० विधानसभा जागा, तर सत्ताधारी LDF ला ५८ ते ६४ जागा आणि इतरांना ३ ते ७ जागा मिळतील असा अंदाज आहे. तथापि, केरळमध्ये बहुमताचा आकडा ७१ जागांचा आहे.

मॅट्रिसच्या सर्वेक्षणानुसार, डाव्यांना ६० ते ६५ जागा मिळण्याची शक्यता आहे, तर काँग्रेस आघाडीला ७० ते ७५ जागा मिळण्याची शक्यता आहे. Kerala Election Results 2026: