मुंबई – बॉलिवूडच्या नंबर वन अभिनेत्रींपैकी एक असलेल्या कतरिना कैफने 2021 मध्ये अभिनेता विकी कौशलसोबत लग्न केले. लग्नानंतर कतरिना प्रेग्नंट असल्याची अफवा अनेकदा समोर आली आहे. अशात जेव्हा ती सलमान खानची बहीण अर्पिता खान आणि तिचा पती आयुष शर्मा यांच्या ईद पार्टीत दिसली, तेव्हा पुन्हा एकदा तिच्या गरोदरपणाच्या अफवा उडू लागल्या. तिचा व्हिडिओ पाहून काही लोक म्हणत आहेत की, ती दुपट्टा आणि हाताने तिचा बेबी बंप लपवण्याचा प्रयत्न करत आहे.

 

View this post on Instagram

 

A post shared by Instant Bollywood (@instantbollywood)

ईद पार्टीत कतरिनाने सैल पांढरा सूट परिधान केला होता. या लूकमध्ये ती खूपच क्यूट दिसत होती. पापाराझींसमोर तिने पोझ दिली. यादरम्यान ती दुपट्टा हाताळत होती आणि तिचा हात बहुतेक तिच्या पोटावर होता. अशात ती प्रेग्नंट असल्याची आणि बेबी बंप झाकण्याचा प्रयत्न करत असल्याचा अंदाज लोक बांधू लागले.

या पार्टीत कतरिना कैफ एकटीच आली होती. पती विकी कौशल तिच्यासोबत नव्हता. यावर  लोक प्रश्न विचारू लागले की विकी कुठे आहे? असे प्रश्नही सोशलवर चर्चेत आहे.  ईद पार्टीला बी-टाउन सेलिब्रिटींची प्रचंड गर्दी पाहायला मिळाली. या पार्टीत संपूर्ण खान कुटुंब उपस्थित होते. त्याचबरोबर आमिर खान, कार्तिक आर्यन, प्रीती झिंटा, सोनाक्षी सिन्हा, झहीर इक्बाल, एमएस धोनीची पत्नी साक्षी, मुलगी झिवा, शहनाज गिल, मनीष पॉल, हुमा कुरेशी यांच्यासह अनेक सेलिब्रिटी दिसले.