Katrina Kaif: बॉलीवूड अभिनेत्री कटरीना कैफ गेल्या काही महिन्यांपासून प्रेग्नन्सीच्या चर्चेमुळे सतत चर्चेत आहे. आता तिचा एक बेबी बंप दिसणारा फोटो सोशल मीडियावर व्हायरल झाला असून चाहत्यांनी शुभेच्छांचा वर्षाव सुरू केला आहे. काहीजण तर ऑक्टोबर-नोव्हेंबरमध्ये कटरीना आई होणार असल्याचे सांगत आहेत. बेबी बंपचा फोटो चर्चेत सोशल मीडिया प्लॅटफॉर्म रेडिटवर हा फोटो शेअर करण्यात आला आहे. यात कटरीना एखाद्या शूटिंगदरम्यान दिसते आणि तिचा बेबी बंप स्पष्ट दिसतो. हा फोटो मॅटरनिटी फोटोशूटचा आहे की एखाद्या जाहिरातीच्या शूटचा, याबद्दल मात्र खात्री नाही. तरीही फॅन्स खूप उत्साहित झाले आहेत. अनेकांनी “कटरीना, तुला खूप खूप शुभेच्छा”, “आम्ही खूप खुश आहोत” अशा कमेंट्स केल्या. प्रेग्नन्सीच्या अफवांची सुरुवात कधी झाली? ३० जुलै २०२५ रोजी मुंबईच्या फेरी पोर्टवर कटरीना आणि तिचा पती अभिनेता विक्की कौशल यांचा एक व्हिडिओ समोर आला होता. त्यात कटरीना ओव्हरसाईज्ड शर्ट आणि बॅगी पॅन्टमध्ये दिसली. तिच्या लूक आणि चालण्याच्या अंदाजामुळेच ती प्रेग्नंट असल्याच्या चर्चा सुरू झाल्या. सार्वजनिक जीवनापासून दूर कटरीना गेल्या काही महिन्यांपासून सार्वजनिक ठिकाणी क्वचितच दिसली आहे. अलीकडे आर्यन खानच्या ‘द बॅड्स ऑफ बॉलीवूड’ सीरिजच्या प्रीमियरलाही ती हजर नव्हती. विक्की कौशल एकटाच दिसल्याने प्रेग्नन्सीच्या चर्चांना आणखी बळ मिळाले. करिअरचा आढावा कटरीना कैफची शेवटची फिल्म ‘क्रिसमस’ २०२४ मध्ये प्रदर्शित झाली होती. त्यानंतर तिने कोणत्याही नवीन प्रोजेक्टची घोषणा केलेली नाही. २०२१ मध्ये विक्की कौशलसोबत विवाह केल्यानंतर आता चार वर्षांनी ते दोघे पालक होणार असल्याची चर्चा रंगली आहे.
