Karnataka : विकासाच्या मुद्द्यांपेक्षा भाजपला लव्ह जिहाद महत्वाचा – सिद्धरामय्या
मंगळुरू – सत्ताधारी भाजप आपल्या राजकीय फायद्यासाठी किनारपट्टीवरील कर्नाटकला (कोस्टल कर्नाटक) हिंदुत्वाची प्रयोगशाळा बनवण्याचा प्रयत्न करत आहे, असा आरोप विधान विधानसभेतील विरोधी पक्षनेते सिद्धरामय्या यांनी केला आहे.
उडुपी येथे पत्रकारांना संबोधित करताना सिद्धरामय्या म्हणाले, भाजप नेत्यांना विकासाच्या मुद्द्यांपेक्षा “लव्ह जिहाद’वर बोलण्यात जास्त रस आहे. समाजात फूट पाडण्यासाठी भाजप हिंदुत्वाच्या नावाखाली खोटेपणा पसरवत आहे, असा आरोप त्यांनी केला.
ते म्हणाले, हिंदू धर्म आणि हिंदुत्व पूर्णपणे भिन्न विषय आहेत. लोकांना भाजपची मानसिकता कळली आहे. कोणत्याही धर्माचा विचार न करता लोकांमध्ये प्रेम पसरवण्यावर कॉंग्रेसचा विश्वास आहे, असे सिद्धरामय्या म्हणाले.
https://wordpress-1295094-4705890.cloudwaysapps.com/bmc-commissioner-chahal-blasted-kirit-somaiyas-allegations/
पंतप्रधान नरेंद्र मोदी आणि गृहमंत्री अमित शहा यांनी कितीही वेळा कर्नाटकचा दौरा केला, तरी ते भाजपला कर्नाटकात पुन्हा सत्तेत आणू शकत नाहीत, असा दावाही त्यांनी केला. आगामी निवडणुकीत कॉंग्रेस 224 पैकी किमान 130 जागा जिंकेल व सरकार स्थापन करेल असा विश्वास त्यांनी व्यक्त केला.
