Kangana Raunat : अभिनेत्री कंगणा रौणात लवकरच एका मोठ्या चित्रपटातून कमबॅक करणार आहे. या चित्रपटाचे चित्रीकरण पूर्ण झाले असून, याच वर्षी हा चित्रपट रिलीज होण्याची अपेक्षा आहे. चित्रपटाचे नाव ‘भारत भाग्य विधाता’ असे असणार आहे. चित्रपटाची कथा सत्य घटनेवर आधारित आहे. २६/११ च्या हल्ल्यादरम्यान मुंबईतील कामा आणि अल्ब्लेस हॉस्पिटलमध्ये घडलेल्या घटनांवर चित्रपटाची कथा तयार करण्यात आली आहे. बऱ्याच काळापासून राजकरणात सक्रिय असलेली कंगणा भारत भाग्य विधाता चित्रपटात झळकणार आहे. विशेष म्हणजे या चित्रपटात मराठी चित्रपट सृष्टीतील आघाडीच्या अभिनेत्रीचा देखील महत्वाचा रोल असणार आहे. व्हरायटी इंडियाच्या वृत्तानुसार, कंगणा या चित्रपटात एका परिचारिकेची भूमिका साकारणार आहे. या चित्रपटात मराठमोळी अभिनेत्री गिरिजा ओक देखील मुख्य भूमिकेत दिसणार आहे. मनोज टपारिया यांनी या चित्रपटाचे दिग्दर्शन केले आहे. चित्रपटाचे चित्रीकरण पूर्ण झाले असून, पोस्ट-प्रॉडक्शनवर काम सुरू आहे. ‘भारत भाग्य विधाता’ चित्रपटात २६/११ च्या मुंबई दहशतवादी हल्ल्यादरम्यान रुग्णालयात घडलेल्या घटना आणि तेथील कर्मचाऱ्यांनी दाखवलेले शौर्य आणि कठीण काळात हाताळलेली परिस्थिती हे दाखवले जाणार आहे. कंगणा हॉलिवूड चित्रपटात दिसणार? कंगणा ही अभिनेता आर. माधवनची जवळची मैत्रीण आहे. ती ए.एल. विजय दिग्दर्शित आणखी एका चित्रपटात माधवनसोबत काम करणार आहे. याव्यतिरिक्त कंगणा लवकरच “ब्लेस्ड बी द एव्हिल” या चित्रपटातून हॉलिवूडमध्ये पदार्पण करणार असल्याची चर्चा आहे. हेही वाचा : US Israel Iran War: मोजतबा खामेनी युद्धाच्या पहिल्या दिवशीच झाले होते जखमी ; मोठा खुलासा समोर
