Kangana Ranaut R Madhavan : कंगना राणौत आणि आर माधवनची जोडी चाहत्यांना खूप आवडते. दोघांनीही दोन चित्रपटांमध्ये एकत्र काम केले आहे. तनु वेड्स मनु (२०११) आणि तनु वेड्स मनु (२०१५) चा सिक्वेल. हे दोन्ही चित्रपट हिट ठरले. दोन्ही चित्रपटांमधील कंगना आणि माधवनची केमिस्ट्री प्रेक्षकांना खूप आवडली. आता १० वर्षांनंतर ही जोडी पुन्हा एकदा मोठ्या पडद्यावर पुनरागमन करणार आहे. मिळालेल्या माहितीनुसार, कंगना आणि आर माधवन हे सायकॉलॉजिकल थ्रिलर कथेवर आधारित एका चित्रपटामध्ये एकत्र दिसणार आहेत. यामुळे त्यांची जोडी पुन्हा एकदा मोठ्या पडद्यावर पाहण्यासाठी त्यांचे चाहते आतुर झाले आहेत. डेक्कन क्रॉनिकलमधील एका वृत्तानुसार, या चित्रपटाचे नाव ‘सर्कल’ असल्याचे सांगण्यात आले आहे. या चित्रपटाचे काम शेवटच्या टप्प्यात आले आहे. या सायकोलॉजिकल थ्रिलर चित्रपटाचे शूटिंग भारतातील उटी, जयपूर, चेन्नई आणि हैदराबाद या शहरात करण्यात आले आहे. या चित्रपटाची निर्मिती टिडेंट आर्टचे रवींद्रन यांनी केली आहे, या चित्रपटातील कंगणा आणि आर माधवन यांच्या भूमिका गुलदस्त्यात ठेवण्यात आल्या आहेत. कंगना राणौत आणि आर माधवन दोघेही कलाकार त्यांच्या दमदार अभिनयासाठी ओळखले जातात, या चित्रपटात त्यांची भूमिका काय असणार याची माहिती चित्रपटाची अधिकृत घोषणा आणि ट्रेलर आल्यानंतर समजणार आहे.
