Kalpana Soren Net Worth|  माजी मुख्यमंत्री आणि झारखंड मुक्ती मोर्चाचे नेते हेमंत सोरेन यांच्या पत्नी कल्पना सोरेन यांनी सोमवारी झारखंडच्या गांडेय विधानसभा जागेवर होणाऱ्या पोटनिवडणुकीसाठी अर्ज दाखल केला. यावेळी मुख्यमंत्री चंपाई सोरेनही उपस्थित होते. कल्पना सोरेन यांनी त्यांच्या नामांकनात दिलेल्या प्रतिज्ञापत्रानुसार त्या करोडपती असल्याचे समोर आले आहे.

कल्पना सोरेन यांची एकुण संपत्ती

कल्पना सोरेन यांच्याकडे एकूण 19.14 कोटी रुपयांची संपत्ती आहे. त्यापैकी 13 कोटी 63 लाख 10 हजार रुपयांची स्थावर मालमत्ता आहे. त्यांच्याकडे रोख, कार विमा, पीपीएफ, बँक ठेवी आणि दागिन्यांसह 5 कोटी 51 लाख 51 हजार 168 रुपयांची संपत्ती आहे. कल्पना सोरेन यांच्यावरही 3.67 कोटी रुपयांचे कर्ज आहे. याशिवाय त्यांचे पती हेमंत सोरेन हे देखील करोडपती आहेत. हेमंत सोरेन यांच्याकडे 5.3 कोटी रुपयांची जंगम आणि जंगम मालमत्ता आहे. कल्पना सोरेन यांनी उमेदवारी अर्जासोबत दिलेल्या प्रतिज्ञापत्रात ही सर्व माहिती दिली आहे.

प्रतिज्ञापत्रात कल्पना सोरेन यांनी त्यांच्या संपत्तीचा उल्लेख केला आहे, ज्यात 91.97 लाख रुपयांच्या दागिन्यांचा समावेश आहे. त्यांच्या नावावर तीन वाहने आहेत, ज्यात अर्बानिया वाहन, ह्युंदाई आय-20 आणि मारुती एक्सएल सिक्स यांचा समावेश आहे. त्यांच्याकडे 27.28 लाख रुपयांची रोकड आहे. बँकेत 85.20 लाख रुपये जमा आहेत. 61.46 लाख रुपये बाँड-डिबेंचर-शेअर्समध्ये गुंतवले आहेत. PPF/LIC मध्ये 63.30 लाख रुपयांची गुंतवणूक आहे

हेमंत सोरेन यांच्याकडे 5.3 कोटी रुपये 

कल्पना सोरेन यांनी दिलेल्या प्रतिज्ञापत्रानुसार, हेमंत सोरेन यांच्याकडे बँकेत 62.47 लाख रुपये जमा आहेत, 52.46 लाख रुपयांचे बाँड-डिबेंचर-शेअर्स, 43.39 लाख रुपयांचे पीपीएफ/एलआयसी आहेत. 6.64 लाख रुपये रोख, हेमंत यांच्याकडे  18.91 लाख रुपयांचे दागिने आहेत. याशिवाय त्यांच्याकडे 2.83 कोटी रुपयांची स्थावर मालमत्ता आहे. हेमंत सोरेन यांच्या नावावर 2008 मॉडेलची कार असून ज्याची किंमत 60 हजार रुपये आहे. याशिवाय हेमंत सोरेन यांच्या नावावर 25 लाखांचे कर्ज आहे. यानुसार कल्पना सोरेन यांची संपत्ती हेमंत सोरेन यांच्यापेक्षा चारपटीने जास्त  आहे.

हेही वाचा:

सावधान ! मुंबई, ठाणे आणि रायगडमध्ये उष्णतेची लाट; विदर्भ, मराठवाड्यात पावसाची हजेरी ?