मोशी: गेल्या दोन दिवसांपासून परिसरात सुरू असलेल्या मुसळधार पावसामुळे मोशी-चिंबळी हद्दीतील इंद्रायणी नदीच्या पाण्याच्या पातळीत प्रचंड वाढ झाली आहे. नदीवर असलेला के. टी. बंधारा पूर्णपणे पाण्याखाली गेला असून सुरक्षेचा उपाय म्हणून या मार्गावरील वाहतूक प्रशासनाकडून बंद करण्यात आली आहे. रस्ते आणि शेतजमिनींना तलावाचे स्वरूप आल्यामुळे या भागातील जनजीवन पूर्णपणे विस्कळीत झाले आहे.

वाहतूक ठप्प: बंधाऱ्यावरून मोठ्या प्रमाणावर पाणी वाहत असल्याने मोशी आणि चिंबळी गावाला जोडणारा संपर्क तुटला आहे.
सुरक्षा उपाय: प्रशासनाने बंधाऱ्याच्या दोन्ही बाजूंना बॅरिकेड्स लावून पोलिसांचा बंदोबस्त तैनात केला आहे. नागरिकांना पर्यायी मार्गाचा वापर करण्याचे आवाहन करण्यात आले आहे.
शेतजमिनींचे नुकसान: नदीकाठच्या शेकडो एकर शेतजमिनीत पूरपाणी शिरले आहे. भाजीपाला आणि इतर पिके पाण्यात बुडाल्याने शेतकऱ्यांचे मोठे आर्थिक नुकसान झाले आहे.
रस्त्यांना तलावाचे स्वरूप: मुख्य रस्त्यांवर व सखल भागात गुडघाभर पाणी साचले आहे. काही  गोठ्यांमध्ये पाणी शिरल्याने नागरिकांची तारांबळ उडाली आहे.

दरम्यान, इंद्रायणी नदीच्या पाणीपातळीत सतत वाढ होत आहे. नदीकाठच्या गावांना सतर्कतेचा इशारा देण्यात आला असून नागरिकांनी अत्यावशक काम असल्याशिवाय बाहेर पडू नये, असे आवाहन स्थानिक प्रशासनाने केले आहे.

हेही वाचा: 

Shweta Tripathi: वकिली सोडून अभिनय निवडला; आज ओटीटीची स्टार बनली श्वेता त्रिपाठी