Junaid Khan-Sai Pallavi: अभिनेता आमिर खान यांच्या प्रॉडक्शन हाऊसअंतर्गत नवा चित्रपट ‘मेरे रहो’ प्रेक्षकांच्या भेटीला येणार आहे. या चित्रपटात आमिर खान यांचा मुलगा जुनैद खान आणि लोकप्रिय अभिनेत्री साई पल्लवी मुख्य भूमिकेत दिसणार आहेत.

चित्रपटाची घोषणा आणि रिलीज तारीख

फिल्म समीक्षक तरण आदर्श यांनी दिलेल्या माहितीनुसार, ‘मेरे रहो’ हा रोमँटिक ड्रामा चित्रपट 12 डिसेंबर 2025 रोजी संपूर्ण भारतात प्रदर्शित होणार आहे. या चित्रपटाचे दिग्दर्शन सुनील पांडे यांनी केले असून, निर्मिती आमिर खान आणि मंसूर खान यांनी केली आहे.

आमिर आणि मंसूर खानची जोडी परत एकत्र

‘मेरे रहो’ हा चित्रपट आमिर आणि मंसूर खान यांच्या 17 वर्षांनंतरच्या एकत्रित निर्मितीचा भाग आहे. याआधी त्यांनी 2008 साली आलेल्या हिट चित्रपट ‘जाने तू या जाने ना’ची निर्मिती केली होती. या चित्रपटाने त्या काळात तरुण प्रेक्षकांची मनं जिंकली होती.

AAMIR KHAN – MANSOOR KHAN REUNITE: SAI PALLAVI – JUNAID KHAN STARRER GETS NEW TITLE + NEW RELEASE DATE… #MereRaho is the new title of the film starring #SaiPallavi and #JunaidKhan… Also, the film is now slated for release on 12 Dec 2025.

Directed by #SunilPandey and produced… pic.twitter.com/rWNtkUTNDd

— taran adarsh (@taran_adarsh) September 12, 2025

जुनैद खान आणि साई पल्लवी

‘मेरे रहो’ हा जुनैद खानचा तिसरा चित्रपट आणि दुसरा थिएटर रिलीज ठरणार आहे. त्याचा पहिला चित्रपट ‘महाराज’ ओटीटीवर प्रदर्शित झाला होता आणि प्रेक्षकांनी त्याला चांगला प्रतिसाद दिला होता. मात्र दुसरा चित्रपट ‘लवयापा’ फारसा गाजला नाही.

साई पल्लवी सध्या चर्चेत असलेल्या ‘रामायण’ चित्रपटात माता सीता ह्या भूमिकेत दिसणार आहेत. या महाकाव्यावर आधारित दोन भागांमध्ये हा चित्रपट प्रदर्शित होईल. यात रणबीर कपूर भगवान रामाची भूमिका साकारणार आहेत.

प्रेक्षकांची उत्सुकता

आमिर खान प्रॉडक्शन्सची नवी फिल्म आणि जुनैद-साई पल्लवी यांची जोडी यामुळे ‘मेरे रहो’कडे प्रेक्षकांचं विशेष लक्ष लागलं आहे. तसेच आमिर-मंसूर खान 17 वर्षांनी पुन्हा एकत्र येत असल्यामुळे या चित्रपटाकडून प्रेक्षकांच्या अपेक्षा अधिक वाढल्या आहेत.