Best 1 year validity recharge plans | टेलिकॉम कंपन्यांकडे ग्राहकांच्या सुविधेसाठी एकापेक्षा एक शानदार रिचार्ज प्लॅन्स उपलब्ध आहेत. कंपन्यांकडे ग्राहकांसाठी 365 दिवस म्हणजेच एक वर्षाच्या मुदतीसह येणारे प्लॅन्स देखील आहेत. Reliance Jio, Bharti Airtel आणि Vi प्रमाणेच BSNL कडे देखील 365 दिवसांच्या वैधतेसह येणारा स्वस्त रिचार्ज प्लॅन आहे.

BSNL च्या 365 दिवसांच्या वैधतेसह येणाऱ्या प्लॅनची किंमत फक्त 1515 रुपये आहे. सध्या कंपनीकडून देशभरात 4जी नेटवर्क उपलब्ध करण्याचे काम सुरू आहे. लवकरच कंपनीची हाय-स्पीड इंटरनेट सेवा सुरू होणार आहे.

BSNL चा 1515 रुपयांचा रिचार्ज प्लॅन

BSNL च्या 1,515 रुपयांच्या प्लॅनमध्ये तुम्हाला दररोज 2 जीबी डेटाचा फायदा मिळतो. या प्लॅनची वैधता 365 दिवस आहे. लक्षात घ्या की हा एक डेटा वाउचर आहे. यामध्ये तुम्हाला अनलिमिटेड वॉइस कॉलिंग अथवा एसएमएसचा फायदा मिळणार नाही. तुम्ही इतर रिचार्जसोबतच या प्लॅन अंतर्गत मिळणाऱ्या डेटाचा फायदा घेऊ शकता. या प्लॅनमध्ये दिवसाचा खर्च फक्त 4.15 रुपये येते.

जिओचा 3,599 रुपयांचा प्लॅन

जिओच्या 3,599 रुपये किंमतीच्या प्लॅनची मुदत देखील 365 दिवस आहे. यामध्ये तुम्हाला एक वर्षासाठी अनलिमिटेड वॉइस कॉलिंग, दररोज 100 मोफत एसएमएस, आणि दररोज 2.5 जीबी मोफत डेटाचा फायदा मिळू शकतो. याशिवाय, जिओ टीव्ही आणि जिओ क्लाउडचे मोफत सबस्क्रिप्शन मिळेल.

एअरटेलचा 1999 रुपयांचा प्लॅन

एअरटेलच्या 365 दिवसांच्या वैधतेसह येणाऱ्या प्लॅनची किंमत 1,999 रुपये आहे. यामध्ये ग्राहकांना एकूण 24 जीबी डेटा, अनलिमिटेड कॉलिंग आणि दररोज 100 मोफत एसएमएसचा फायदा मिळतो.

Vi चा 1,999 रुपयांचा प्लॅन

एअरटेलप्रमाणेच व्हीआयकडे देखील 1,999 रुपये किंमतीचा प्लॅन उपलब्ध आहे. या प्लॅनची मुदत 365 दिवस आहे. यामध्ये तुम्हाला एकूण 24 जीबी डेटा आणि अनलिमेड वॉइस कॉलिंगचा फायदा मिळतो. तुम्ही जर केवळ कॉलिंग आणि 1 वर्षांच्या मुदतीसह येणारा प्लॅन शोधत असाल तर या रिचार्ज प्लॅन्सचा विचार करू शकता.