Best Mobile Recharge Plans: टेलिकॉम कंपनी Jio, Airtel आणि Vi कडे ग्राहकांच्या सुविधेसाठी एकापेक्षा एक शानदार रिचार्ज प्लॅन्स उपलब्ध आहेत. कंपन्यांचे 84 दिवसांच्या वैधतेसह येणारे प्लॅन्स विशेष लोकप्रिय आहेत. या प्लॅन्समध्ये ग्राहकांना अनलिमिटेड कॉलिंग, डेटा, एसएमएससह ओटीटी सबस्क्रिप्शनचा देखील फायदा मिळतो. कमी किंमतीत 84 दिवसांच्या मुदतीसह येणाऱ्या या प्लॅन्सविषयी सविस्तर जाणून घेऊयात. Jio चा 949 रुपयांचा प्लॅन रिलायन्स जिओकडे 84 दिवसांच्या वैधतेसह येणारा 949 रुपयांचा प्लॅन उपलब्ध आहे. या प्लॅनमध्ये 84 दिवसांसाठी दररोज 2GB डेटा, सर्व नेटवर्कवर अनलिमिटेड कॉलिंग आणि दररोज 100 मोफत SMS ची सुविधा मिळते. याशिवाय, तीन महिन्यांसाठी Disney+ Hotstar Mobile चे मोफतचे सब्सक्रिप्शन दिले जाते. प्लॅनमध्ये JioTV, JioCinema, JioCloud या जिओ अॅप्सचा अॅक्सेस देखील मिळतो. Airtel चा 1029 रुपयांचा प्लॅन एअरटेलच्या 84 दिवसांच्या वैधतेसह येणाऱ्या प्लॅनची किंमत 1029 रुपये आहे. यामध्ये तुम्हाला दररोज 2GB डेटा, सर्व नेटवर्क्सवर अनलिमिटेड व्हॉइस कॉलिंग आणि दररोज 100 SMS चा फायदा मिळतो. तसेच, तीन महिन्यांसाठी Disney+ Hotstar Mobile चे सबस्क्रिप्शन देखील ग्राहकांना दिले जाते. Vi चा 994 रुपयांचा प्लॅन व्हीआयच्या 994 रुपयांच्या प्लॅनमध्ये तुम्हाला दररोज 2 जीबी डेटा, अनलिमिटेड कॉलिंग आणि दररोज 100 मोफत एसएमएसचा फायदा मिळतो. या प्लॅनची वैधता देखील 84 दिवस आहे. यामध्ये तुम्हाला तीन महिन्यांसाठी Disney+ Hotstar Mobile चे मोफत सबस्क्रिप्शन मिळेल. या तिन्ही कंपन्यांच्या प्लॅन्समध्ये जवळपास समान फायदे मिळतात. मात्र, व्हीआय आणि एअरटेलच्या तुलनेत जिओच्या प्लॅनची किंमत सर्वात कमी आहे.
