Jahnavi Killekar : ‘बिग बॉस मराठी’च्या पाचव्या सीझनमधून घराघरात पोहोचलेली अभिनेत्री जान्हवी किल्लेकर सध्या एका अनोख्या किस्स्यामुळे चर्चेत आहे. एका मराठी चित्रपटाच्या शूटिंगदरम्यान जान्हवीला चक्क बिस्लेरीच्या पाण्याने अंघोळ करावी लागली होती.

नुकत्याच दिलेल्या एका मुलाखतीत तिने हा किस्सा सांगितला असून, तिचा हा अनुभव सोशल मीडियावर चर्चेचा विषय ठरत आहे. जान्हवी सध्या ‘सायको रंगा’ या मराठी चित्रपटामुळे चर्चेत आहे. या चित्रपटाच्या शूटिंगचे एक शेड्यूल कोल्हापुरात पार पडले. याच शूटिंगदरम्यान तिला त्वचेच्या समस्येमुळे विशेष काळजी घ्यावी लागली.

कोल्हापुरातील शूटिंगच्या अनुभवाबद्दल बोलताना जान्हवीने सांगितले की, तिला बाहेरच्या ठिकाणचे वातावरण आणि पाणी पटकन सूट होत नाही. मुंबईच्या पाण्याची सवय झाल्यामुळे कोल्हापुरातील पाण्याचा तिच्या त्वचेवर परिणाम होण्याची भीती होती.

‘चक्क बिस्लेरीच्या पाण्याने अंघोळ केली’

जान्हवीने मुलाखतीत सांगितले की, कोल्हापुरात शूटिंग असताना तिने चक्क बिस्लेरीच्या पाण्याने अंघोळ केली. कोल्हापूरचे पाणी चांगले असूनही तिच्या त्वचेची संवेदनशीलता लक्षात घेऊन हा निर्णय घ्यावा लागल्याचे तिने स्पष्ट केले.

यासाठी मोठ्या प्रमाणात पाण्याच्या बाटल्या मागवाव्या लागत होत्या आणि त्याचा खर्चही तिलाच करावा लागत असल्याचे जान्हवीने सांगितले. तिच्या या अनुभवाचा किस्सा सध्या सोशल मीडियावर चर्चेत आहे.

‘सायको रंगा’ चित्रपटही चर्चेत

दरम्यान, ‘सायको रंगा’ हा वेगळ्या धाटणीचा मराठी चित्रपट असल्याची चर्चा आहे. २५ सप्टेंबर रोजी हा चित्रपट संपूर्ण महाराष्ट्रात प्रदर्शित झाला आहे.

अॅक्शन आणि गूढ कथेची सांगड या चित्रपटात दाखवण्यात आली आहे. चित्रपटातील ‘रंगा’ हे प्रमुख पात्र अन्यायाविरोधात आवाज उठवणाऱ्या नायकाचे आहे.

जान्हवी किल्लेकरसोबत स्मिता गोंदकर, सुबोध भावे, पुष्कर जोग आणि मिलिंद शिंदे यांच्या महत्त्वपूर्ण भूमिका या चित्रपटात आहेत

Gautami Patil: ‘माझ्यासोबत बरंच काही घडलंय…’ गौतमी पाटीलला कसा हवा नवरा? स्पष्टच सांगितलं!