Janhvi Kapoor: बॉलिवूड अभिनेत्री जान्हवी कपूर तिच्या अभिनयाइतकीच फॅशन आणि स्टायलिश लुकसाठीही ओळखली जाते. पारंपरिक पोशाख असो किंवा वेस्टर्न ड्रेस, प्रत्येक लुकमध्ये ती चाहत्यांचे लक्ष वेधून घेते. यावेळीही जान्हवीने तिच्या नव्या पारंपरिक लुकमुळे सोशल मीडियावर धुमाकूळ घातला आहे. तिने काळ्या रंगाच्या आकर्षक डिझायनर लेहंग्यातील काही सुंदर छायाचित्रे सोशल मीडियावर शेअर केली असून तिचा हा रॉयल अंदाज चाहत्यांच्या विशेष पसंतीस उतरला आहे.

जान्हवीने परिधान केलेला हा लेहंगा प्रसिद्ध डिझायनर रिंपल आणि हरप्रीत यांनी डिझाइन केला आहे. गडद काळ्या रंगाचा हा लेहंगा अत्यंत आकर्षक आणि राजेशाही स्वरूपाचा दिसत आहे. माध्यमांतील वृत्तांनुसार, या डिझायनर लेहंग्याची किंमत सुमारे दीड लाख रुपये असल्याचे सांगितले जात आहे. महागडा असला तरी त्यावरील नक्षीकाम आणि भरतकामामुळे हा पोशाख अधिक उठून दिसत आहे.

या लेहंग्याच्या घेरदार स्कर्टवर अँटिक गोल्ड रंगातील पेसली आणि फुलांच्या नक्षीची सुंदर भरतकाम करण्यात आली आहे. त्यामुळे संपूर्ण पोशाखाला एक वेगळाच रॉयल लुक मिळाला आहे. यासोबत जान्हवीने बहुरंगी भरतकाम केलेली चोळी आणि हलक्या मेटॅलिक बॉर्डरचा दुपट्टा परिधान केला आहे. या पारंपरिक पोशाखामुळे तिचे सौंदर्य आणखी खुलून आले आहे.

 

View this post on Instagram

 

आपला लुक अधिक आकर्षक दिसावा यासाठी जान्हवीने खास दागिन्यांचीही निवड केली आहे. तिने संजनी ज्वेल्सचे स्टेटमेंट ज्वेलरी परिधान केली असून त्याने तिच्या संपूर्ण लुकमध्ये भर घातली आहे. तसेच मीरा महादेविया यांनी डिझाइन केलेली स्टायलिश बॅगही तिने कॅरी केली आहे. कमीतकमी मेकअप, मोकळे केस आणि चेहऱ्यावरील आत्मविश्वासपूर्ण हास्य यामुळे तिचा हा लुक अधिक उठावदार दिसत आहे.

जान्हवीने हे फोटो सोशल मीडियावर शेअर करत एक मजेशीर कॅप्शनही दिले आहे. “मी फक्त एक झलक दाखवेन, असं स्वतःलाच वचन दिलं होतं… पण हा कॉम्बिनेशनच इतका सुंदर होता,” अशा आशयाचे कॅप्शन तिने लिहिले आहे. तिची ही पोस्ट शेअर होताच काही वेळातच सोशल मीडियावर व्हायरल झाली.

या पोस्टवर चाहत्यांनी भरभरून प्रतिक्रिया दिल्या आहेत. अनेकांनी जान्हवीला “प्रिन्सेस”, “रॉयल ब्युटी”, “ब्लॅक क्वीन” अशा शब्दांत कौतुक केले आहे. काहींनी तिच्या सौंदर्याचे आणि स्टाइल सेन्सचे कौतुक केले, तर अनेकांनी तिचा हा आतापर्यंतचा सर्वात सुंदर पारंपरिक लुक असल्याचे म्हटले आहे. तिच्या प्रत्येक फोटोवर हजारो लाईक्स आणि कमेंट्सचा वर्षाव होत आहे.

जान्हवी कपूर केवळ फॅशनमुळेच नव्हे तर तिच्या चित्रपटांमुळेही चर्चेत असते. नुकतीच ती अभिनेता राम चरणसोबत ‘पेद्दी’ या स्पोर्ट्स ड्रामा चित्रपटात झळकली होती. या चित्रपटाला प्रेक्षकांचा चांगला प्रतिसाद मिळाला. आता तिच्या आगामी चित्रपटांचीही चाहत्यांना उत्सुकता लागली आहे.

माध्यमांतील वृत्तांनुसार, जान्हवी लवकरच अल्लू अर्जुनच्या ‘राका’ या बहुचर्चित चित्रपटात महत्त्वाच्या भूमिकेत दिसणार आहे. या चित्रपटात अभिनेत्री दीपिका पदुकोणही महत्त्वाची भूमिका साकारणार असल्याची चर्चा आहे. त्यामुळे जान्हवीच्या आगामी प्रोजेक्ट्सकडेही चाहत्यांचे लक्ष लागले आहे.

दरम्यान, जान्हवी कपूरचा हा काळ्या डिझायनर लेहंग्यातील पारंपरिक लुक सोशल मीडियावर सध्या चांगलाच चर्चेचा विषय ठरला असून तिच्या सौंदर्याबरोबरच तिच्या फॅशन सेन्सचेही सर्वत्र कौतुक होत आहे.