Janhvi Kapoor : बॉलिवूडमध्ये आपला ठसा उमटवल्यानंतर अभिनेत्री ‘जान्हवी कपूर’ने आता दाक्षिणात्य चित्रपटसृष्टीतही प्रवेश केला आहे. जान्हवी साऊथ स्टार ज्युनियर एनटी आरसोबत तेलुगू चित्रपट ‘देवरा पार्ट 1’ मध्ये दिसणार आहे.

अलीकडेच अशी बातमी आली होती की जान्हवी कपूर राम चरणच्या पुढील चित्रपट RC16 मध्ये महत्त्वाच्या भूमिकेत दिसणार आहे. मात्र, आता असे सांगण्यात येत आहे की जान्हवी कपूरने साऊथ चित्रपटांसाठी तिची फी देखील वाढवली आहे.

सूत्रांच्या माहितीनुसार, जान्हवी कपूरने साऊथ चित्रपट देवरासाठी तिची फी वाढवली आहे. वास्तविक, याआधी जान्हवीने या चित्रपटासाठी 5 कोटी रुपये फी वसूल केल्याचे सांगण्यात आले होते.

मात्र नुकत्याच समोर आलेल्या माहितीनुसार अभिनेत्रीने आता सिनेमासाठी 10 कोटी रुपये वसूल केल्याचं सांगण्यात आलं आहे. जान्हवी कपूरला हिंदी चित्रपटसृष्टीतील एक उगवती स्टार मानली जाते.

पण तिच्या पहिल्याच साऊथ चित्रपटापासून ती टॉलिवूडची सर्वाधिक मानधन घेणारी अभिनेत्री बनली आहे. फीच्या बाबतीत तिने रश्मिका मंदान्ना, पूजा हेगडे आणि श्रीलीला यांसारख्या अभिनेत्रींना मागे टाकले आहे.

देवरा या चित्रपटाचे दिग्दर्शन कोरटाला शिवा करत आहेत. यापूर्वी हा चित्रपट 5 एप्रिलला प्रदर्शित होणार होता. मात्र, आता या चित्रपटाची रिलीज डेट पुढे ढकलण्यात आली आहे.

ज्युनियर एनटीआर आणि जान्हवी व्यतिरिक्त सैफ अली खान, शाइन टॉम चाको आणि प्रकाश राज यांच्यासह अनेक स्टार्स या चित्रपटात दिसणार आहेत. हा चित्रपट दोन भागात बनवला जात आहे. त्याचा फक्त पहिला भाग तयार झाला आहे.