Jacqueline Fernandez: बॉलिवूड अभिनेत्री जैकलीन फर्नांडिस सध्या 78व्या कान फिल्म फेस्टिव्हलमध्ये सहभागी होण्यासाठी फ्रान्समध्ये आहे. रेड कार्पेटवर तिने आपल्या सौंदर्याची आणि अभिनयाची छाप पाडली. यावेळी तिने आपल्या कुटुंबियांसह, विशेषत: अलीकडेच निधन झालेल्या आईच्या आठवणींना उजाळा देत भावूक क्षण शेअर केले. याशिवाय, ठग सुकेश चंद्रशेखर प्रकरणामुळे आयुष्यात आलेल्या वादळावरही तिने भाष्य केले. आई-वडिलांसोबतच्या आठवणींना उजाळा – ‘द हॉलीवुड रिपोर्टर’शी संवाद साधताना जैकलीनने आपल्या आई-वडिलांसोबतच्या जुन्या आठवणींना उजाळा दिला. तिने सांगितले की, तिचा संपूर्ण परिवार इटलीला गेला होता, जिथे ती तिचा पहिला हॉलीवूड चित्रपट ‘किल एम ऑल 2’ च्या चित्रीकरणात व्यस्त होती. ती म्हणाली, “मी जीन-क्लाउड व्हॅन डॅमसोबत शूटिंग करत होते, जे माझे आदर्श आहेत. माझे संपूर्ण कुटुंब त्यांचे चाहते होते. आमच्याकडे लेझर डिस्क होती आणि वडील म्हणायचे, जीन-क्लाउडला पाहायचे असेल तर लेझर डिस्कवरच पाहावे. माझे आई-वडील मला भेटायला आले आणि म्हणाले, ‘आम्हाला आमच्या मुलीचा अभिमान आहे.’ अशा क्षणांमुळे सारे संघर्ष आणि आव्हाने सार्थकी लागतात.” आईच्या निधनाने खचली होती जैकलीन – यावर्षी एप्रिलमध्ये जैकलीनच्या आईचे निधन झाले. याबाबत ती म्हणाली, “आईला गमावल्यानंतर मी पूर्णपणे खचले होते. पण माझ्या आई-वडिलांनी आणि कुटुंबाने मला नेहमीच धीर दिला. माझी आई माझी सर्वात मोठी प्रेरणा होती. तिच्यासोबत आणखी वेळ घालवता आला असता, असे मला नेहमी वाटते. मी अजूनही तिच्या जाण्यावर विश्वास ठेवू शकत नाही.” सुकेश प्रकरणामुळे चर्चेत – जैकलीनने सुकेश चंद्रशेखर प्रकरणावरही भाष्य केले. या प्रकरणामुळे तिला प्रचंड टीकेला सामोरे जावे लागले. ती म्हणाली, “या साऱ्या गोष्टींमुळे मला आणि माझ्या कुटुंबाला खूप त्रास सहन करावा लागला. अभिनेता म्हणून आमच्या आयुष्यातील प्रत्येक गोष्ट लोकांसमोर येते. अशा वेळी पालकांसाठी मुलांसोबत उभे राहणे खूप कठीण असते. पण माझ्या आईला नेहमी माझा अभिमान वाटायचा आणि ती मला स्वप्ने पाहण्याची आणि मेहनत करण्याची प्रेरणा देत राहिली.” सुकेशसोबतच्या फोटोंमुळे वाद – जैकलीनचे ठग सुकेश चंद्रशेखरसोबतचे काही रोमँटिक फोटो सोशल मीडियावर व्हायरल झाल्याने तिचे नाव वादात सापडले होते. सुकेश सध्या 200 कोटींच्या मनी लॉन्ड्रिंग प्रकरणात तुरुंगात आहे. कान फिल्म फेस्टिव्हलमध्ये जैकलीनने आपल्या व्यावसायिक आणि वैयक्तिक आयुष्यातील आव्हानांवर मात करत पुन्हा एकदा आपल्या प्रतिभेचा ठसा उमटवला आहे.
