ISRO next chairman । भारतीय अंतराळ संशोधन संस्था अर्थत इस्रोच्या (ISRO)  नवीन प्रमुखाच्या नावाची घोषणा करण्यात आली आहे. डॉ. व्ही. नारायणन हे इस्रोचे नवे प्रमुख म्हणून यापुढे काम करणार आहेत. 14 जानेवारी रोजी एस. सोमनाथ यांच्या जागेवर विराजमान होणार आहेत. याबाबत एक अधिसूचना जारी करून ही माहिती देण्यात आली आहे.

इस्रोचे प्रख्यात शास्त्रज्ञ डॉ. व्ही. नारायणन सध्या लिक्विड प्रोपल्शन सिस्टीम सेंटर (LPSC) चे संचालक आहेत. सुमारे 4 दशकांच्या कारकिर्दीत त्यांनी इस्रोमध्ये अनेक महत्त्वाच्या पदांवर काम केले आहे. डॉ. नारायणन हे रॉकेट आणि स्पेसक्राफ्ट प्रोपल्शनमध्ये पारंगत आहेत.

GSLV Mk III वाहनाच्या C25 क्रायोजेनिक प्रकल्पासाठी प्रकल्प संचालक म्हणून काम करणे ही डॉ. नारायणन यांची एक मोठी उपलब्धी आहे. त्यांच्या नेतृत्वाखाली टीमने GSLV Mk III चा एक महत्त्वाचा घटक असलेल्या C25 स्टेजचा यशस्वीपणे विकास केला.

डॉ. नारायणन यांच्या मार्गदर्शनाखाली, LPSC ने इस्रोच्या विविध मोहिमांसाठी 183 लिक्विड प्रोपल्शन सिस्टीम आणि कंट्रोल पॉवर प्लांट वितरित केले. त्यांनी PSLV च्या दुसऱ्या आणि चौथ्या टप्प्याच्या बांधकामावर देखरेख केली आणि PSLV C57 साठी कंट्रोल पॉवर प्लांट्सची रचना देखील केली. त्यांनी आदित्य स्पेसक्राफ्ट, GSLV Mk-III मोहिमा, चांद्रयान-2 आणि चांद्रयान-3 साठी प्रोपल्शन सिस्टममध्येही योगदान दिले.

अनेक पुरस्कारांनी सन्मानित  ISRO next chairman । 

इस्रोचे शास्त्रज्ञ डॉ.नारायणन यांना अनेक पुरस्कारांनी सन्मानित करण्यात आले आहे. यामध्ये IIT खरगपूरचे रौप्य पदक, Astronautical Society of India (ASI) चे सुवर्ण पदक आणि NDRF कडून मिळालेले राष्ट्रीय डिझाइन पुरस्कार यांचा समावेश आहे.

सोमनाथ हे 2022 मध्ये इस्रो प्रमुख बनले  ISRO next chairman । 

आम्ही तुम्हाला सांगतो की जानेवारी 2022 मध्ये एस. सोमनाथ यांनी इस्रो प्रमुखपदाची सूत्रे हाती घेतली होती. त्यांचा दोन वर्षांचा कार्यकाळ या महिन्यात संपत आहे. इस्रो प्रमुख होण्यापूर्वी सोमनाथ हे विक्रम साराभाई स्पेस सेंटर (VSSC) चे संचालक आणि इस्रोचे मुख्य शास्त्रज्ञ होते. तिरुअनंतपुरम येथील व्हीएसएससीचे संचालक असलेले एस. सोमनाथ हे देशातील सर्वोत्तम रॉकेट तंत्रज्ञ आणि एरोस्पेस अभियंता आहेत. व्हीएसएससीपूर्वी एस. सोमनाथ हे तिरुअनंतपुरम येथील लिक्विड प्रोपल्शन सिस्टम सेंटर (LPSC) चे संचालक देखील आहेत.