जेरूसलेम – करोना व्हायरस १८० देशांमध्ये थैमान घालत असून यामुळे अनेक जणांचे बळी गेले आहेत. इस्त्रायलचे आरोग्यमंत्री आणि त्यांची पत्नी यांनाही करोनाची लागण झाल्याचे समोर आले आहे. यानंतर दोघेही आयसोलेशनमध्ये आहेत.

आरोग्य मंत्रालयाच्या माहितीनुसार, आरोग्यमंत्री आणि त्यांची पत्नी यांनाही करोनाची लागण  झाल्याचे समोर आले आहे. यानंतर दोघेही आयसोलेशनमध्ये आहेत. आणि सर्व निर्देशांचे पालन करत आहेत.

दरम्यान, इस्त्रायलचे पंतप्रधान बेंजामिन नेतानयाहू यांना क्वारंटाईन अवस्थेत राहण्याची सुचना त्यांच्या वैद्यकीय विभागाने दिली आहे. त्यांच्या कार्यालयातील एक अधिकारी करोना पॉझिटीव्ह आढळल्यानंतर तातडीने पंतप्रधानांनाही क्वारंटाईन राहण्याची सुचना करण्यात आली आहे. तथापी त्यांची वैद्यकीय तपासणी करण्यात आली असून त्यांना या विषाणुंची बाधा झाली नसल्याचे आढळून आले तरी दक्षतेची उपाय योजना म्हणून त्यांना क्वारंटाईन राहण्यास सांगण्यात आले आहे.