Israel Politics : इस्रायलच्या सत्तास्थापनेच्या लढाईत विरोधकांची बाजू मजबूत झाली आहे. अरब पक्षांच्या पाठिंब्यामुळे गादी आयसेनकोट यांना १२० सदस्यांच्या संसदेत ६७ खासदारांचा पाठिंबा मिळण्याची शक्यता आहे.

इस्रायलच्या राजकारणात मोठी उलथापालथ झाली आहे. पंतप्रधान बिन्यामिन नेतान्याहू यांच्यासमोर सत्तेचे आव्हान उभे राहिले आहे. त्यांचे प्रमुख विरोधक आणि माजी लष्करप्रमुख गादी आयसेनकोट यांना अरब पक्षांच्या आघाडीने पाठिंबा जाहीर केला आहे.

२७ ऑक्टोबरला झालेल्या निवडणुकीत कोणत्याही गटाला स्पष्ट बहुमत मिळाले नव्हते. इस्रायलच्या १२० सदस्यांच्या संसदेत बहुमतासाठी ६१ खासदारांची गरज आहे.

यापूर्वी आठ जागा जिंकणाऱ्या रा-अम पक्षाने आयसेनकोट यांना पाठिंबा दिला होता. आता ११ जागा जिंकणाऱ्या जॉइंट लिस्टनेही त्यांच्या नावाची शिफारस करण्याचा निर्णय घेतला आहे. त्यामुळे आयसेनकोट यांना पाठिंबा देणाऱ्या खासदारांची संख्या ६७ होण्याची शक्यता आहे. दुसरीकडे, नेतान्याहू यांच्या गटाकडे ५३ जागा आहेत.

मात्र, ६७ खासदारांचा पाठिंबा म्हणजे सरकारमध्ये सहभागी होण्याची हमी नाही. राष्ट्राध्यक्ष आयझॅक हरझॉग सर्व पक्षांशी चर्चा करून सरकार स्थापनेसाठी नेत्याची निवड करतील. त्यानंतर आयसेनकोट यांना प्रत्यक्ष बहुमत सिद्ध करावे लागेल.