Ishan Kishan Out : न्यूझीलंडविरुद्धच्या दुसऱ्या टी-२० सामन्यापूर्वी भारताला मोठा धक्का! स्टार खेळाडू पडला बाहेर, वैभवला मिळणार संधी?
Ishan Kishan Out : भारत विरुद्ध न्यूझीलंड दुसऱ्या टी२० सामन्यातून इशान किशन बाहेर पडल्याने प्लेइंग इलेव्हनमध्ये बदल करण्यास भाग पडले आहे. क्राइस्टचर्च येथे झालेल्या पहिल्या सामन्यादरम्यान किशनला दुखापत झाली होती.
Ishan Kishan Ruled Out of 2nd T20I Vaibhav Sooryavanshi Playing XI Chance : भारत आणि न्यूझीलंड यांच्यातील पाच सामन्यांच्या टी-२० मालिकेतील दुसरा सामना २४ ऑक्टोबर रोजी क्राइस्टचर्च येथे खेळवला जाणार आहे. पहिल्या सामन्यात २२६ धावांचा ऐतिहासिक पाठलाग करत १-० अशी आघाडी घेतलेल्या भारतीय संघाला या सामन्यापूर्वी मोठा धक्का बसला आहे. स्टार फलंदाज इशान किशन दुखापतीमुळे दुसऱ्या टी-२० सामन्यातून बाहेर पडला आहे. त्यामुळे कर्णधार श्रेयस अय्यर आणि मुख्य प्रशिक्षक गौतम गंभीर यांना आपल्या प्लेइंग इलेव्हनमध्ये अनिच्छेने का होईना बदल करावा लागणार आहे.
बीसीसीआयकडून दुखापतीची पुष्टी; पहिल्या सामन्यात बसला फटका
बीसीसीआयने अधिकृत माहिती देताना स्पष्ट केले की, पहिल्या टी-२० सामन्यादरम्यान इशान किशनच्या उजव्या पायाच्या स्नायूला दुखापत (Right Adductor Strain) झाली होती. याच कारणामुळे पहिल्या सामन्यात तो तिसऱ्या क्रमांकावर फलंदाजीसाठी मैदानात उतरू शकला नव्हता. बीसीसीआयची वैद्यकीय टीम सध्या त्याच्या प्रकृतीवर बारीक लक्ष ठेवून आहे. मात्र या दुखापतीमुळे तो दुसऱ्या सामन्यात खेळू शकणार नसल्याचे निश्चित झाले असून, भारतीय संघ व्यवस्थापनाची डोकेदुखी वाढली आहे.
वैभव सूर्यवंशीसाठी संघात पुनरागमनाची सुवर्णसंधी –
𝗨𝗽𝗱𝗮𝘁𝗲:
Ishan Kishan is ruled out of the second T20I against New Zealand due to a low grade right adductor strain, which he sustained during the first T20I of the series.
The BCCI Medical Team is monitoring his progress.
#TeamIndia | #NZvIND https://t.co/QbZpuVh1hQ
— BCCI (@BCCI) October 23, 2026
गंभीर आणि अय्यर यांची जोडी सहसा विजयी संघात आणि फलंदाजीच्या क्रमात बदल करणे टाळते. मात्र इशानच्या अनुपस्थितीमुळे टॉप ऑर्डरमध्ये एक महत्त्वाची जागा रिक्त झाली आहे. त्यामुळे बेंचवर बसलेल्या प्रतिभावान वैभव सूर्यवंशीला संघात संधी मिळण्याचे मार्ग मोकळे झाले आहेत. झिम्बाब्वे दौऱ्यात ‘प्लेअर ऑफ द मॅच’चा किताब पटकावल्यानंतर वैभवला प्लेइंग इलेव्हनमध्ये जागा मिळालेली नव्हती; आता इशानच्या दुखापतीमुळे त्याला न्यूझीलंडविरुद्ध आपली ताकद दाखवण्याची मोठी संधी मिळू शकते.
फलंदाजीच्या क्रमाचे कोडे; ३ नंबरवर कोण उतरणार?
This cannot be better news for the Indian team; nothing can stop us from making it 2-0 tomorrow.
🚨Ishan Kishan is already ruled out of the 2nd T20, and Vaibhav Suryavanshi is going to play in his place
This is great news for India because Ishan Kishan was unable to clear New Zealand’s boundaries as the boundaries were large and out of his hitting range.
However, no boundary is big for the wonder boy Vaibhav Suryavanshi, tomorrow, it’s going to be a rain of sixes from Suryavanshi’s bat
— Cricket and society (@Cric46966) October 23, 2026
संजू सॅमसन आणि अभिषेक शर्मा ही फॉर्मात असलेली विश्वविजेती जोडी डावाची सुरुवात करत असल्याने वैभव नेमका कोणत्या क्रमांकावर फलंदाजी करणार, असा प्रश्न निर्माण झाला आहे. जर वैभवला तिसऱ्या क्रमांकावर खेळवले नाही, तर तिलक वर्माला ३ नंबरवर बढती देऊन शिवम दुबेसारख्या अष्टपैलू खेळाडूला संघात स्थान दिले जाऊ शकते. असे झाल्यास वैभवला पुन्हा एकदा बाहेरच बसावे लागेल. त्यामुळे गंभीर आणि अय्यर दुसऱ्या सामन्यात काय रणनीती आखतात, याकडे सर्वांचे लक्ष लागले आहे.
