Pratibha Ranta : ‘लापता लेडिज’ फेम अभिनेत्री प्रेमात? फोटो अन् व्हिडिओंमुळे चर्चांना उधाण
Pratibha Ranta : लापता लेडीज चित्रपटातील अभिनेत्री प्रतिभा रांता प्रेमात पडली असल्याच्या चर्चांना उधाण आले आहे.
Pratibha Ranta : ‘लापता लेडीज’ या चित्रपटामुळे अभिनेत्री प्रतिभा रांता रातोरात स्टार झाली. या चित्रपटानंतर तिच्या चाहत्यांची संख्या वाढली. आता ती बॅालिवूडमधील एका अभिनेत्याच्या प्रेमात पडली असल्याची चर्चा रंगली आहे.
फिल्मफेअरच्या वृत्तानुसार, प्रतिभा आणि बॉलिवूड अभिनेता रोहित सराफ एकमेकांच्या प्रेमात पडले असल्याचे बोलल जात आहे. हे दोन्ही कलाकार सध्या एकमेकांना डेट करत असल्याच्या चर्चांना उधाण आले आहे.
“प्रतिभा आणि रोहित एकमेकांच्या सहवासाचा आनंद घेत आहेत. ते खूप चांगले मित्र आहेत आणि त्यांच्यात खूप जवळीकता आहे. ते अनेकदा एकत्र वेळ घालवतात. त्यांच्यात एक नैसर्गिक स्नेह आणि सहजता आहे, पण ते आपल्या नात्याला लगेच नाव देण्याची घाई करत नाहीत.” असे वृत्त देण्यात आले आहे.
मात्र, हे लक्षात घेण्यासारखे आहे की रोहित सराफ किंवा प्रतिभा रांता या दोघांनीही डेटिंगच्या अफवांना अद्यापर्यंत दुजोरा देणारे किंवा नाकारणारे कोणतेही निवेदन जारी केलेले नाही. रोहित सराफचे चाहते त्याला अनेकदा प्राजक्ता कोळीसोबत जोडत आहेत.
दरम्यान, रोहित आणि प्रतिभा यांच्या नात्याच्या अफवा बऱ्याच काळापासून पसरत आहेत. या सगळ्याची सुरुवात गेल्या वर्षी झाली, जेव्हा ते निर्माते निखिल अडवाणीच्या दिवाळी पार्टीत एकत्र दिसले होते.
View this post on Instagram
रोहितने लाल आणि सोनेरी रंगाचा कुर्ता घातला होता. तर प्रतिभा लाल रंगाच्या शरारा सेटमध्ये खूपच सुंदर दिसत होती. पार्टीमधील त्यांचा एकत्र नाचतानाचा एक व्हिडिओ सोशल मीडियावर व्हायरल झाला होता. दिवाळी पार्टीतील फोटो आणि व्हिडिओंमुळे चाहत्यांना खात्री पटली होती की, रोहित आणि प्रतिभा यांच्यात काहीतरी सुरू आहे. पण अजून दोघांनीही त्यांच्या प्रेमाच्या नात्याला दुजोरा दिलेला नाही. त्यामुळे चर्चा सुरूच आहेत.
