Iran US conflict: मध्यपूर्वेत सुरू असलेल्या तणावाच्या पार्श्वभूमीवर इराणमध्ये घडलेली एक दुर्दैवी घटना संपूर्ण जगाला हादरवून सोडणारी ठरली आहे. इराणच्या दक्षिण भागातील मिनाब शहरातील एका मुलींच्या शाळेवर झालेल्या भीषण क्षेपणास्त्र हल्ल्यात १६५ विद्यार्थिनींसह एकूण १८५ जणांचा मृत्यू झाला. या घटनेनंतर अनेक देशांनी शोक व्यक्त केला असून चीनने पीडित कुटुंबांना थेट आर्थिक मदत देण्याची घोषणा केली आहे. ही घटना इराण आणि अमेरिका यांच्यात सुरू असलेल्या संघर्षाच्या काळात घडली. या हल्ल्यासाठी अमेरिकेवर आरोप करण्यात येत आहेत. अमेरिकेचे माजी राष्ट्राध्यक्ष डोनाल्ड ट्रम्प यांच्या नेतृत्वाखालील लष्करी कारवाईदरम्यान हे क्षेपणास्त्र डागण्यात आल्याचा दावा केला जात आहे.Iran US conflict या दुर्दैवी घटनेनंतर चीन ने पीडित कुटुंबांना मदतीचा हात दिला आहे. चीनने दोन लाख डॉलर्स म्हणजेच सुमारे एक कोटी चौर्याऐंशी लाख रुपयांची आर्थिक मदत जाहीर केली आहे. ही मदत त्या पालकांच्या बँक खात्यात थेट जमा केली जाणार आहे, ज्यांनी या हल्ल्यात आपल्या मुलींना गमावले आहे. चीनच्या रेड क्रॉस संस्थेमार्फत ही मदत वितरित करण्यात येणार आहे.Iran US conflict China to provide $200,000 to victims of Iranian school attack चीनच्या परराष्ट्र मंत्रालयाचे प्रवक्ते गुओ जियाकुन यांनी या हल्ल्याचा तीव्र निषेध केला आहे. त्यांनी सांगितले की निरपराध मुलांवर झालेला हा हल्ला मानवी मूल्यांचा आणि आंतरराष्ट्रीय कायद्याचा गंभीर भंग आहे. चीन या कठीण काळात इराणसोबत ठामपणे उभा आहे, असेही त्यांनी स्पष्ट केले. Iran US conflict दरम्यान, या हल्ल्याबाबत आंतरराष्ट्रीय स्तरावर मोठा वाद निर्माण झाला आहे. काही तपास अहवालांनुसार हा हल्ला मुद्दाम केलेला नसून अमेरिकन लष्कराकडून झालेल्या तांत्रिक चुकीमुळे घडल्याची शक्यता व्यक्त केली जात आहे. एका अहवालानुसार अमेरिकन गुप्तचर संस्थेने जुन्या माहितीच्या आधारे लक्ष्य निश्चित केले होते. Iran US conflict या चुकीच्या माहितीत त्या शाळेला चुकून लष्करी ठिकाण म्हणून चिन्हांकित करण्यात आले. त्यानंतर डागण्यात आलेली टॉमहॉक क्षेपणास्त्र थेट त्या शाळेवर जाऊन आदळली. त्या वेळी शाळेत शिकत असलेल्या अनेक विद्यार्थिनींचा दुर्दैवी मृत्यू झाला. या घटनेनंतर जगभरातून तीव्र प्रतिक्रिया उमटत आहेत. अनेक देशांनी या घटनेची सखोल चौकशी करण्याची मागणी केली आहे. दुसरीकडे, या हल्ल्याबाबत प्रश्न विचारले असता डोनाल्ड ट्रंप यांनी स्पष्ट उत्तर देण्याचे टाळल्याचे सांगितले जात आहे. त्यांनी असा दावा केला की कदाचित इराणचीच एखादी क्षेपणास्त्र चुकून त्या शाळेवर पडली असावी. या घटनेमुळे मध्यपूर्वेतील तणाव आणखी वाढण्याची शक्यता व्यक्त केली जात आहे. त्याच वेळी अमेरिका आर्थिक अडचणींचाही सामना करत आहे. ताज्या आकडेवारीनुसार अमेरिकेची आर्थिक वाढ अपेक्षेपेक्षा कमी झाली आहे. त्यामुळे या घटनेमुळे अमेरिकेच्या लष्करी धोरणांवर आणि आंतरराष्ट्रीय प्रतिमेवर प्रश्नचिन्ह निर्माण झाले आहे.
