Iran Israel Ceasefire। अमेरिकेचे राष्ट्राध्यक्ष डोनाल्ड ट्रम्प यांनी इराण आणि इस्रायलमध्ये सुरू असलेले युद्ध थांबवण्यासाठी युद्धबंदीची घोषणा केली आहे. मात्र, या घोषणेबाबत इराण किंवा इस्रायलकडून अद्याप कोणतीही अधिकृत प्रतिक्रिया आलेली नाही.

अमेरिकेचा युद्धबंदीसाठी पुढाकार Iran Israel Ceasefire।

समोर आलेल्या माहितीनुसार, दोन्ही देश या प्रस्तावित युद्धबंदीबाबत सकारात्मक भूमिका घेण्याची शक्यता आहे. युद्धबंदीच्या पार्श्वभूमीवर काही राजनैतिक प्रयत्नही सुरू असल्याचे मानले जाते. अमेरिकेने इराणच्या अणुतळांवर केलेल्या कथित हल्ल्याच्या एक दिवसानंतरच ही घोषणा करण्यात आली आहे, ज्यामुळे या प्रदेशात अचानक तणाव वाढला. १२ दिवसांनंतर, अमेरिकन राष्ट्राध्यक्षांनी इराण-इस्रायल युद्धावर युद्धबंदी करारासाठी पुढाकार घेतला आहे. व्हाईट हाऊसच्या एका अधिकाऱ्याच्या हवाल्याने ही माहिती समोर आली आहे.

ट्रम्प यांनी इराण-इस्रायल युद्धबंदीबद्दल काय म्हटले? Iran Israel Ceasefire।

डोनाल्ड ट्रम्प यांनी इराण-इस्रायल युद्धावर युद्धबंदी करारासाठी पुढाकार घेतला आहे. व्हाईट हाऊसच्या एका अधिकाऱ्याच्या हवाल्याने ही माहिती समोर आली आहे. ट्रम्प यांनी त्यांच्या सोशल मीडिया प्लॅटफॉर्म ‘ट्रुथ सोशल’ वर पोस्ट करत लिहिले की, “जर सर्व काही योजनेनुसार झाले आणि मला विश्वास आहे की ते होईल, तर मी इराण आणि इस्रायल दोघांचेही हे १२ दिवसांचे युद्ध संपवण्याचे धाडस आणि दृढनिश्चय दाखवल्याबद्दल अभिनंदन करतो.” ट्रम्प यांनी माहिती दिली की, “दोन्ही देश सुमारे ६ तासांनंतर त्यांच्या सध्याच्या लष्करी कारवाया संपवतील आणि त्यानंतर १२ तासांसाठी युद्धबंदी सुरू होईल.”

त्यांनी सांगितले की,” प्रथम इराण युद्धबंदी सुरू करेल आणि नंतर १२ तासांनंतर इस्रायलही तेच करेल. एकूण २४ तासांनंतर, हे युद्ध अधिकृतपणे संपवण्याचा विचार केला जाईल.” त्यांनी सांगितले की या काळात दोन्ही देश शांततेने आणि आदराने वागतील. अमेरिकेचे अध्यक्ष ट्रम्प यांनी त्यांच्या पोस्टमध्ये पुढे लिहिले की, “हे युद्ध अनेक वर्षे टिकू शकले असते आणि संपूर्ण मध्य पूर्व नष्ट करू शकले असते, परंतु ते घडले नाही. ते संपवण्याचे धाडस आणि शहाणपण दाखवल्याबद्दल मी इराण आणि इस्रायलचे अभिनंदन करतो.” ते पुढे म्हणाले, “देव इराण, इस्रायल, अमेरिका, मध्य पूर्व आणि संपूर्ण जगाला आशीर्वाद देवो.” इराण आणि इस्रायलनेही युद्धबंदीवर प्रतिक्रिया दिली.

इस्रायलच्या तीन वरिष्ठ सरकारी अधिकाऱ्यांनी रॉयटर्सशी झालेल्या संभाषणात असे सूचित केले आहे की इस्रायल आता इराणमधील त्यांचे चालू लष्करी अभियान संपवण्याची तयारी करत आहे आणि अमेरिकेला या निर्णयाची माहिती देण्यात आली आहे. रविवारी, नेतान्याहू यांनी जाहीरपणे सांगितले होते की इस्रायल आता त्यांचे लष्करी ध्येय साध्य करण्याच्या अगदी जवळ आहे. त्याच वेळी, इराणची राजधानी तेहरानमधील एका वरिष्ठ अधिकाऱ्याने रॉयटर्सला सांगितले की तेहरानने अमेरिकेचा युद्धबंदी प्रस्ताव स्वीकारला आहे.