Rinku Singh Marriage with Priya Saroj : केकेआरचा स्टार फलंदाज रिंकू सिंग नेहमीच त्याच्या शानदार षटकार आणि कामगिरीमुळे चर्चेत असतो. पण आजकाल त्याचे वैयक्तिक आयुष्य चर्चेचा विषय राहिले आहे. मीडिया रिपोर्ट्सनुसार, तो लवकरच समाजवादी पक्षाच्या नेत्या आणि उत्तर प्रदेशातील मच्छलीशहर येथील खासदार प्रिया सरोजशी लग्न करणार आहे. या वर्षी फेब्रुवारीमध्ये त्यांचा साखरपुडा आणि रोका समारंभ देखील पार पडले आहेत. आता बातमी अशी आहे की ते दोघेही लवकरच लग्न करणार आहेत. पण तुम्हाला माहिती आहे का रिंकू आणि प्रियाची भेट कशी झाली आणि त्यांचे नाते कसे पुढे गेले? चला जाणून घेऊया.

रिंकू आणि प्रियाची कशी झाली भेट?

रिंकू सिंग हा अलीगढचा रहिवासी आहे आणि त्याने आपल्या कामगिरीच्या जोरावर क्रिकेटच्या जगात मोठे नाव कमावले आहे. सध्या तो एक उदयोन्मुख स्टार आहे, परंतु तो खूपच कमी वेळात प्रसिद्धी झोतात आला. तसेच प्रिया सरोज ही देशातील दुसऱ्या क्रमांकाची सर्वात तरुण खासदार आहे आणि मच्छलीशहरचे प्रतिनिधित्व करते. तिचे वडील तूफानी सरोज हे देखील समाजवादी पक्षाचे खासदार राहिले आहेत आणि सध्या ते केरकट मतदारसंघाचे आमदार आहेत. याचा अर्थ रिंकू आणि प्रियाचे जग वेगळे आहे. अशा परिस्थितीत प्रश्न असा पडतो की राजकारण आणि क्रिकेटचे हे मिलन कसे झाले? प्रियाचे वडील तूफानी सरोज यांनी त्यांची मुलगी आणि रिंकू यांच्यातील भेटीचा खुलासा केला होता.

तुफानी सरोज यांनी सांगितले की, रिंकूशी ओळख प्रियाच्या एका मैत्रिणीमुळे झाली. खरं तर, प्रियाच्या मैत्रिणीचे वडील एक माजी क्रिकेटपटू आहेत, ज्यांना रिंकू ओळखत होता आणि तो त्यांच्या घरी येत असे. त्याच्या माध्यमातूनच रिंकू आणि प्रियाची पहिली भेट झाली. हळूहळू दोघांमधील संवाद वाढत गेला आणि त्याचे रूपांतर प्रेमात झाले. दोघेही जवळजवळ एक वर्ष एकमेकांच्या संपर्कात होते. तुफानी सरोज म्हणाले की दोघंही एकमेकांना आवडायचे, पण त्यांना त्यांच्या कुटुंबियांची परवानगी मिळाल्यानंतरच हे नाते पुढे नेयाचे होते. म्हणून, त्यांनी आपापल्या कुटुंबियांना याबाबत सांगितले. त्यांचे म्हणने होते की जर त्यांचे कुटुंब सहमत असेल तर ते लग्नासाठी तयार होतील. यानंतरच नाते पुढे गेले.

हेही वाचा – CSK vs RCB : आरसीबी १७ वर्षांचा दुष्काळ संपवणार का? दुसऱ्या सामन्यात सीएसकेचा बालेकिल्ला भेदण्याचे आव्हान

रिंकूच्या घरून आला लग्नाचा प्रस्ताव  –

रिंकूने त्याच्या कुटुंबाला याबाबत सांगितल्यानंतर त्याच्या पालकांनी लग्नाला परवाणगी दिली. त्याचबरोबर त्यांच्या पालकांनी प्रियाचे वडील तूफानी सरोज यांच्यासमोर लग्नाचा प्रस्ताव ठेवला. यानंतर थोडा विचार केल्यानंतर त्यांनी सहमती दिली आणि रोका समारंभ पूर्ण झाला. आता लग्न होणार आहे, मात्र दोघांच्याही व्यस्त वेळापत्रकामुळे अद्याप लग्नाची तारीख निश्चित झालेली नाही.  सध्या रिंकू सिंग आयपीएल २०२५ मध्ये कोलकाता नाईट रायडर्स संघाकडून खेळत आहे.