IPL 2024 ( PBKS vs MI Match 33, Hardik Pandya) : आयपीएल 2024 च्या 33 व्या सामन्यात मुंबई इंडियन्सने पंजाब किंग्जचा 9 धावांनी पराभव केला. या विजयानंतरही मुंबई इंडियन्सचा कर्णधार हार्दिक पांड्याला मोठा फटका बसला आहे. मुंबई इंडियन्सच्या गोलंदाजांच्या स्लो ओव्हर रेटमुळे बीसीसीआयने हार्दिकला मोठा दंड ठोठावला. त्याच्यावर 12 लाखांचा दंड ठोठावण्यात आला आहे.

आयपीएल (BCCI) ने जारी केलेल्या निवेदनात म्हटले आहे की, “मुंबई इंडियन्सचा कर्णधार हार्दिक पंड्याला इंडियन प्रीमियर लीग (IPL) 2024 च्या पंजाब किंग्ज विरुद्ध 18 एप्रिल रोजी मुल्लानपूर येथील पीसीए न्यू इंटरनॅशनल क्रिकेट स्टेडियमवर झालेल्या सामन्यादरम्यान स्लो ओव्हर-रेट ठेवल्याबद्दल दंड ठोठावण्यात आला आहे. ”

निवेदनात पुढे म्हटले आहे की, “आयपीएलच्या आचारसंहितेअंतर्गत त्याच्या संघाचा हा पहिलाच गुन्हा होता, त्यामुळे पांड्याला 12 लाख रुपयांचा दंड ठोठावण्यात आला आहे.”

आयपीएलमध्ये जर एखादा संघ प्रथमच स्लो ओव्हर रेटच्या गुन्ह्यात दोषी आढळला तर त्याच्या कर्णधाराला 12 लाख रुपयांचा दंड ठोठावला जातो. असे दुस-यांदा घडल्यास, कर्णधारावरील दंड दुप्पट होऊन 24 लाख रुपये होईल आणि यावेळी संघातील सदस्यांना 6 लाख रुपये किंवा त्यांच्या सामना शुल्काच्या 25 टक्के, यापैकी जी रक्कम कमी असेल, दंड आकारला जाईल. संघाने तिसऱ्यांदा ही चूक केली तर कर्णधारावर एका सामन्याची बंदी घालण्यात आली येते.

Success Story : टीम इंडियात पदार्पण करण्यापूर्वीच क्रॅक केली होती UPSC परीक्षा…! सचिन-गांगुली-द्रविडशी आहे खास कनेक्शन, जाणून घेऊया कोण आहे ‘तो’ क्रिकेटर….

हार्दिक पांड्यापूर्वी, कोलकाता नाइट रायडर्सचा (केकेआर) कर्णधार श्रेयस अय्यरलाही आयपीएल 2024 मध्ये स्लो ओव्हर रेटमुळे 12 लाखांचा दंड ठोठावण्यात आला आहे. त्याचवेळी याच चुकीसाठी ऋषभ पंतला दोनदा 24 लाखांचा दंड ठोठावण्यात आला आहे. दरम्यान, मुंबई इंडियन्सचा पुढील सामना 22 एप्रिलला जयपूरमध्ये राजस्थान रॉयल्सशी होणार आहे.