IPL 2024 Mumbai Indians : आयपीएल 2024 मध्ये मुंबई इंडियन्ससाठी आतापर्यंत काहीही चांगले झाले नाही. या हंगामात संघाने सुरुवातीचे दोन्ही सामने गमावले आहेत. सनरायझर्स हैदराबाद विरुद्ध खेळल्या गेलेल्या सामन्यात गोलंदाजांनी अतिशय लाजिरवाणी कामगिरी करत 20 षटकात 277 धावा दिल्या. मुंबई इंडियन्सचा सोमवारी मुंबईत पहिला सामना राजस्थान रॉयल्सशी होणार आहे. या सगळ्या दरम्यान संघासाठी आणि कर्णधार हार्दिक पांड्यासाठी #HardikPandya आणखी एक वाईट बातमी समोर आली आहे. सूर्यकुमार यादव आगामी काही सामन्यांमध्येही खेळताना दिसणार नाही.

जागतिक क्रमवारीत अव्वल क्रमांकाचा T20 फलंदाज सूर्यकुमार यादव स्पोर्ट्स हर्नियाच्या शस्त्रक्रियेतून पूर्णपणे बरा झालेला नाही आणि आणखी काही आयपीएल सामने खेळू शकणार नाही. राष्ट्रीय क्रिकेट अकादमी (NCA) त्याच्या ( Suryakumar Yadav ) प्रगतीवर बारकाईने लक्ष ठेवून आहे. मुंबई इंडियन्सकडून खेळणाऱ्या सूर्यकुमारला चालू मोसमात आतापर्यंत एकही सामना खेळता आलेला नाही आणि त्याच्या संघाला दोन्ही सामन्यांमध्ये पराभवाचा सामना करावा लागला आहे.

सूर्याच्या पुनरागमनाबाबत मोठे अपडेट…

भारतीय क्रिकेट बोर्डाच्या एका सूत्राने पीटीआयला सांगितले की, सूर्यकुमार खूप चांगली प्रगती करत आहे आणि लवकरच मुंबई इंडियन्ससाठी पुनरागमन करेल. मात्र, पहिल्या दोन सामन्यात न खेळल्यानंतर त्याला आणखी काही सामन्यांमधून बाहेर राहावे लागू शकते. मुंबई इंडियन्सला सूर्यकुमारची उणीव भासत आहे पण बीसीसीआय या आक्रमक फलंदाजाच्या तंदुरुस्तीबाबत कोणताही धोका पत्करू इच्छित नाही कारण जूनमध्ये वेस्ट इंडिज आणि अमेरिकेत होणाऱ्या टी-20 विश्वचषक स्पर्धेत तो मोठी भूमिका बजावेल अशी अपेक्षा आहे.

सूत्राने पुढे सांगितले की, बीसीसीआयची मुख्य चिंता ही आहे की तो टी20 विश्वचषक खेळण्याच्या मार्गावर आहे की नाही आणि तो त्या स्थितीत आहे. मैदानात सर्वत्र शॉट्स खेळण्याच्या क्षमतेमुळे 33 वर्षीय सूर्यकुमारची तुलना अनेकदा दक्षिण आफ्रिकेचा निवृत्त फलंदाज एबी डिव्हिलियर्सशी केली जाते . त्याने या फॉरमॅटमध्ये 171.55 च्या स्ट्राइक रेटने धावा केल्या आहेत. सूर्यकुमारने भारतासाठी 60 टी-20 सामन्यांमध्ये चार शतकांच्या मदतीने 2141 धावा केल्या आहेत.

https://wordpress-1295094-4705890.cloudwaysapps.com/ipl-2024-mivssrh-match-8-sunrisers-hyderabad-defeated-mumbai-indians/

सूर्याला परतीसाठी पाहावी लागेल वाट… 

आयसीसी टी-20 क्रमवारीत सूर्या पहिल्या क्रमांकावर आहे. डिसेंबर 2023 मध्ये दक्षिण आफ्रिका दौऱ्यात त्याला दुखापत झाली होती. दुखापतीमुळे तो यावर्षी एकही सामना खेळलेला नाही. सूर्यकुमार यादव हा मुंबईच्या सर्वात महत्त्वाच्या फलंदाजांपैकी एक आहे. त्याची बॅट आयपीएलमध्ये चांगली खेळते. त्याने आतापर्यंत आयपीएलमध्ये 139 सामने खेळले आहेत. या कालावधीत त्याने 32.17 च्या सरासरीने आणि 1 शतकाच्या मदतीने 3 हजार 249 धावा केल्या आहेत.