अहमदाबाद -भारतीय क्रिकेट नियामक मंडळाने आयपीएलचे प्लेऑफ सामने आणि फायनलचे वेळापत्रक जाहीर केले. प्लेऑफ फेरीत तीन सामने खेळले जातील, ज्यामध्ये क्वालिफायर-1, एलिमिनेटर आणि क्वालिफायर-2 यांचा समावेश आहे. 23 मे रोजी क्वालिफायर-1, 24 मे रोजी एलिमिनेटर आणि 26 मे रोजी क्वालिफायर-2 खेळला जाईल.

त्याचवेळी 28 मे रोजी अहमदाबादच्या नरेंद्र मोदी स्टेडियमवर अंतिम सामना होणार आहे. क्वालिफायर-1 आणि एलिमिनेटर चेन्नईत खेळवले जातील. तर क्वालिफायर-2 अहमदाबादमध्ये खेळवला जाईल. चेन्नईतील चेपॉक हे दोन्ही सामने आयोजित करेल, तर अहमदाबादमधील जगातील सर्वात मोठे क्रिकेट स्टेडियम क्वालिफायर 2 आणि फायनलचे आयोजन करेल.