Inter Miami vs Philadelphia Union Cavan Sullivan WWE Fight Red Card Major League Soccer : मेजर लीग सॉकर (MLS) स्पर्धेत इंटर मियामी (Inter Miami) आणि फिलाडेल्फिया युनियन (Philadelphia Union) यांच्यातील सामन्यादरम्यान फुटबॉलच्या मैदानाचे रूपांतर चक्क कुस्तीच्या आखाड्यात झाल्याचे पाहायला मिळाले. सामन्याच्या अगदी शेवटच्या क्षणी (१०१ व्या मिनिटाला) खेळाडूंमध्ये जोरदार हाणामारी झाली. यामध्ये फिलाडेल्फियाच्या अवघ्या १६ वर्षांच्या कॅव्हन सुलिव्हनने (Cavan Sullivan) इंटर मियामीच्या खेळाडूला हवेत उचलून थेट जमिनीवर आपटले. हा प्रकार इतका धक्कादायक होता की मैदानावरील खेळाडूंसह प्रत्यक्ष लिओनेल मेस्सीही (Lionel Messi) काही काळ स्तब्ध झाला.

डोक्याला धक्का दिल्याने भडकला १६ वर्षांचा खेळाडू; हवेत उचलून आपटले –

सामन्याच्या इंज्युरी टाईममध्ये इंटर मियामीच्या डिफेंडरने बॉक्सच्या आत १६ वर्षीय सुलिव्हनला टॅकल करून खाली पाडले. त्यावेळी मियामीचा खेळाडू इयान फ्रे याने खाली पडलेल्या सुलिव्हनच्या डोक्याला धक्का देण्याचा प्रयत्न केला. यामुळे संतापलेल्या सुलिव्हनने क्षणार्धात फ्रेचा पाय पकडून त्याला हवेत उचलले आणि थेट जमिनीवर आदळले. त्यानंतर दोघेही जमिनीवर लोळत एकमेकांशी कुस्ती खेळू लागले, ज्यामुळे इतर खेळाडूंना धाव घेऊन दोघांना वेगळे करावे लागले.

मेस्सीने केली मध्यस्थी, पण रेफरीने दाखवले थेट रेड कार्ड –

Tempers flared at the end of Philly-Miami 😳

Cavan Sullivan and Yannick Bright were both sent off with reds at the end of the draw.

(📺 MLS on Apple TV) pic.twitter.com/k9mwXbfkFZ

— ESPN FC (@ESPNFC) August 20, 2026

सुलिव्हन आणि फ्रे वेगळे झाल्यानंतर इंटर मियामीचा दुसरा खेळाडू यानिक ब्राईट थेट सुलिव्हनशी भिडला आणि दोघांत पुन्हा धक्काबुक्की सुरू झाली. हा वाद शांत झाल्यानंतर पंचांनी (Referee) कडक पाऊल उचलत कॅव्हन सुलिव्हन आणि यानिक ब्राईट या दोघांनाही थेट रेड कार्ड (Red Card) दाखवून मैदानाबाहेर काढले. आपल्या सहकाऱ्याला वाचवण्यासाठी स्टार खेळाडू लिओनेल मेस्सीने पंचांशी चर्चा करण्याचा प्रयत्न केला, परंतु पंचांनी मेस्सीचे म्हणणे ऐकण्यास नकार देत आपला निर्णय कायम ठेवला.

हेही वाचा – Lords Balcony Celebration : लॉर्ड्सच्या बाल्कनीत पुन्हा एकदा फडकला शर्ट! सौरव गांगुलींच्या २००२ च्या सेलिब्रेशनची २४ वर्षांनंतर पुनरावृत्ती

रोमांचक सामना २-२ असा बरोबरीत; मियामीचा विजय हुकला –

या वादळी लढतीचा शेवट २-२ अशा बरोबरीत झाला. सामन्याच्या ११ व्या मिनिटाला फिलाडेल्फियाच्या इंडियाना व्हॅसिलेव्हने गोल डागला, तर २१ व्या मिनिटाला डॅनियल पिंटरने मियामीसाठी बरोबरी साधली. २६ व्या मिनिटाला मेस्सीने अप्रतिम गोल करून मियामीला २-१ ची आघाडी मिळवून दिली होती. मात्र, ५८ व्या मिनिटाला नील पीयरेने गोल करत सामना २-२ असा बरोबरीत सोडवला. इंटर मियामीला गेल्या चार सामन्यांत विजय मिळवता आलेला नसून २० सामन्यांत ३९ गुणांसह संघ ईस्टर्न कॉन्फरन्समध्ये दुसऱ्या स्थानावर आहे.