Induction Cooktop: आजकाल एलपीजी गॅसच्या वाढत्या किमती आणि तुटवड्यामुळे अनेक घरांमध्ये इंडक्शन ( Induction)  चुलीचा वापर वाढला आहे. इंडक्शन कुकटॉप हे पारंपरिक गॅसपेक्षा वेगळ्या तंत्रज्ञानावर काम करते. मात्र, या चुलीवर प्रत्येक भांडे चालत नाही. विशेषतः अॅल्युमिनियम आणि तांब्याची भांडी इंडक्शनवर थेट वापरता येत नाहीत. यामागचं कारण काय आहे, ते सोप्या भाषेत समजून घेऊया.

इंडक्शन चुलीमध्ये इलेक्ट्रोमॅग्नेटिक इंडक्शन या तत्त्वाचा वापर केला जातो. चुलीच्या आत एक कॉइल असते. त्यातून वीज प्रवाहित झाल्यावर चुंबकीय क्षेत्र तयार होतं. जेव्हा आपण भांडे ठेवतो, तेव्हा त्या भांड्यात एडी करंट तयार होतो आणि भांडं थेट गरम होतं. म्हणजेच, उष्णता चुलीत नाही तर भांड्याच्या आत तयार होते.Induction Cooktop

अॅल्युमिनियम आणि तांब्याची भांडी चांगले उष्णता वाहक असले तरी त्यांच्यात चुंबकीय गुणधर्म खूप कमी असतात. अॅल्युमिनियममध्ये फारच कमी मॅग्नेटिक क्षमता असते, तर तांबं जवळपास चुंबकीय नसतंच. त्यामुळे त्यात योग्य प्रकारे एडी करंट तयार होत नाही. परिणामी, इंडक्शनवर हे भांडे गरम होत नाही आणि “नो पॅन डिटेक्टेड” असा मेसेज दिसतो.

मग इंडक्शनवर कोणती भांडी वापरावीत?  Induction Cooktop

लोखंडी (कास्ट आयर्न) भांडी इंडक्शनसाठी सर्वात योग्य मानली जातात. ती पटकन गरम होतात आणि उष्णता जास्त वेळ टिकवून ठेवतात. याशिवाय, मॅग्नेटिक बेस असलेली स्टेनलेस स्टीलची भांडीही चांगली चालतात. आजकाल ट्रिपल लेयर भांडी उपलब्ध आहेत, ज्यात आत-बाहेर स्टील आणि मध्ये वेगळं धातू असतं. अशा भांड्यांच्या तळाशी इंडक्शन बेस असल्यामुळे ती सहज वापरता येतात. नॉन-स्टिक भांड्यांमध्येही आता इंडक्शन सपोर्ट असतो. Induction Cooktop

तुमचं भांडं इंडक्शनवर चालेल की नाही, हे तपासण्यासाठी एक सोपा उपाय आहे. फ्रिजवर लावायचा मॅग्नेट घ्या आणि भांड्याच्या तळाशी लावा. जर मॅग्नेट चिकटलं, तर ते भांडं इंडक्शनवर वापरता येईल. जर मॅग्नेट चिकटलं नाही, तर ते भांडं उपयोगी नाही.

अॅल्युमिनियम भांडी वापरायची असतील तर ती थेट वापरता येत नाहीत. त्यासाठी इंडक्शन अडॅप्टर प्लेट (स्टील प्लेट) वापरावी लागते. मात्र, या पद्धतीने स्वयंपाक करताना वेळ जास्त लागतो आणि वीजही अधिक खर्च होते. Induction Cooktop

इंडक्शन कुकिंगचे अनेक फायदे आहेत. यात अन्न पटकन शिजतं, गॅसची गरज नसते आणि उघडी ज्योत नसल्यामुळे ते अधिक सुरक्षित असतं. शिवाय, ही पद्धत ऊर्जा वाचवणारी (एनर्जी एफिशिएंट) आहे.

म्हणूनच, इंडक्शन वापरताना योग्य भांडी निवडणं खूप महत्त्वाचं आहे. योग्य माहिती असल्यास तुम्ही स्वयंपाक अधिक सोपा आणि सुरक्षित करू शकता.